首页 > ئۇچۇرلارنى ئاشكارلاش > ھۆكۈمەت ھۆججەتلىرى

ئاپتونوم رايوننىڭ ھەر قايسى سىستېمىسىدا ئورتاق تىل بويىچە تەربىيىلەش ۋە سىناش خىزمىتىنى قانات يايدۇرۇش توغرىسىدا ئۇقتۇرۇش

:مەنبە 2008-10-31 00:00:00 :ۋاقىت

 

شىنجاڭ ئۇيغۇر ئاپتونوم رايونلۇق خەلق ھۆكۈمىتى بەنگوڭتىڭى ھۆججىتى

ش ھ ب [2008] 82 - نومۇرلۇق



ئاپتونوم رايوننىڭ ھەر قايسى سىستېمىسىدا ئورتاق تىل
بويىچە تەربىيىلەش ۋە سىناش خىزمىتىنى قانات
يايدۇرۇش توغرىسىدا ئۇقتۇرۇش

ئىلى قازاق ئاپتونوم ئوبلاستلىق خەلق ھۆكۈمىتى، ئوبلاستلىق، شەھەرلىك، ناھىيىلىك (شەھەرلىك) خەلق ھۆكۈمەتلىرى، مەمۇرىي مەھكىمىلەر، ئاپتونوم رايونلۇق خەلق ھۆكۈمىتىنىڭ تارماقلىرى ۋە بىۋاسىتە قاراشلىق ئاپپاراتلىرى:

   ئىلمىي تەرەققىيات قارىشىنى ئومۇميۈزلۈك ئەمەلىيلەشتۈرۈپ، «جۇڭخۇا خەلق جۇمھۇرىيىتىنىڭ دۆلەت ئورتاق تىل - يېزىقى قانۇنى» (تۆۋەندە «دۆلەت ئورتاق تىل - يېزىقى قانۇنى» دېيىلىدۇ)، «شىنجاڭ ئۇيغۇر ئاپتونوم رايونىنىڭ تىل - يېزىق خىزمىتى نىزامى» (تۆۋەندە «ئاپتونوم رايوننىڭ تىل - يېزىق خىزمىتى نىزامى» دېيىلىدۇ) نى چوڭقۇر ئىزچىللاشتۇرۇپ، مەدەنىيەت مىنىستىرلىكى، مائارىپ مىنىستىرلىكى، دۆلەت تىل - يېزىق خىزمىتى كومىتېتىنىڭ «مەدەنىيەت سىستېمىسىدا <جۇڭخۇا خەلق جۇمھۇرىيىتىنىڭ دۆلەت ئورتاق تىل - يېزىقى قانۇنى> نى يولغا قويۇش توغرىسىدىكى ئۇقتۇرۇشى» (م [2001] 20 - نومۇرلۇق)، ئۇچۇرچىلىق مىنىستىرلىكى، مائارىپ مىنىستىرلىكى، دۆلەت تىل - يېزىق خىزمىتى كومىتېتىنىڭ «ئۇچۇرچىلىق سىستېمىسىنىڭ تىل - يېزىقنى قېلىپلاشتۇرۇش خىزمىتىنى ئەستايىدىل ياخشى ئىشلەش توغرىسىدىكى ئۇقتۇرۇشى» (ئۇ [2001] 242 - نومۇرلۇق)، ج ك پ مەركىزىي كومىتېتى پۇل مۇئامىلە خىزمىتى كومىتېتى، مائارىپ مىنىستىرلىكى، دۆلەت تىل - يېزىق خىزمىتى كومىتېتىنىڭ «پۇل مۇئامىلە سىستېمىسىنىڭ تىل - يېزىقنى قېلىپلاشتۇرۇش خىزمىتىنى كۈچەيتىش توغرىسىدىكى ئۇقتۇرۇشى) (پ [2000] 8 - نومۇرلۇق) دۆلەت پوچتا ئىدارىسى، مائارىپ مىنىستىرلىكى، دۆلەت تىل - يېزىق خىزمىتى كومىتېتىنىڭ «پوچتا سىستېمىسىنىڭ تىل - يېزىقنى قېلىپلاشتۇرۇش خىزمىتىنى كۈچەيتىش توغرىسىدىكى ئۇقتۇرۇشى» (د پ [2000] 304 - نومۇرلۇق) ۋە ئالىي خەلق تەپتىش مەھكىمىسى بەنگۇڭتىڭىنىڭ «تەپتىش سىستېمىسىدا ئورتاق تىلنى ئومۇملاشتۇرۇش خىزمىتىنى ياخشى ئىشلەش توغرىسىدىكى ئۇقتۇرۇش» ئا ([1999] 35 - نومۇرلۇق) ىنىڭ روھىغا ئاساسەن، دۆلەت تىل - يېزىق خىزمىتىنىڭ 11 - بەش يىللىق يىرىك پىلانىدىكى ۋەزىپىلەرنى ئوڭۇشلۇق ئورۇنداش ئۈچۈن، ئاپتونوم رايوننىڭ ھەر قايسى سىستېمىسىدا ئورتاق تىل بويىچە تەربىيىلەش ۋە سىناش خىزمىتىنى قانات يايدۇرۇش توغرىسىدا تۆۋەندىكىچە ئۇقتۇرۇش قىلىمىز:
1. ئىدىيىنى بىرلىككە كەلتۈرۈپ، تونۇشنى ئۆستۈرۈش كېرەك
   11 - بەش يىللىق پىلان مەزگىلى ئومۇميۈزلۈك سوتسىيالىستىك ئىناق جەمئىيەت بەرپا قىلىش ۋە سوتسىيالىستىك زامانىۋىلاشتۇرۇلۇش قۇرۇلۇشىنىڭ قەدىمىنى تېزلىتىشنىڭ ئاچقۇچلۇق مەزگىلى، شۇنداقلا تىل - يېزىق خىزمىتى تەرەققىياتىدىكى مۇھىم باسقۇچ. ئورتاق تىلنى كېڭەيتىپ ۋە ئومۇملاشتۇرۇپ، ئالاقىلىشىش ۋە ئىجتىمائىي ئىشلارنىڭ ئۈنۈملۈك، ماس ئايلىنىشىنى قوغداشقا پايدىلىق تىل مۇھىتى يارىتىش دۆلەت تىل - يېزىق خىزمىتىنىڭ 11 - بەش يىللىق يىرىك پىلانىنىڭ مۇھىم مەزمۇنى، شۇنداقلا يېڭى دەۋردىكى دۆلەت تىل - يېزىق خىزمىتىنىڭ مۇھىم ۋەزىپىسى بولۇپ، ئاپتونوم رايونىمىزنىڭ ئىقتىسادىي تەرەققىياتى، ئىجتىمائىي مۇقىملىقى ۋە مىللەتلەر ئىتتىپاقلىقىغا مۇناسىۋەتلىك. ئورتاق تىل بويىچە تەربىيىلەش -- سىناش ئورتاق تىلنى ئومۇملاشتۇرۇشتىكى مۇھىم تەدبىر، «كۈچلۈك يولغا قويۇش، پائال ئومۇملاشتۇرۇش، تەدرىجىي يۇقىرى كۆتۈرۈش» تىن ئىبارەت خىزمەت فاڭجېنىنى ئىزچىللاشتۇرۇشتىكى زۆرۈر ۋاسىتە بولۇپ، كەڭ كادىرلار ۋە ئاممىنىڭ تىل - يېزىقنى قېلىپلاشتۇرۇش ئېڭىنى ئاشۇرۇپ، پۈتۈن مىللىتىمىزنىڭ تىل ساپاسىنى ئۆستۈرۈش ۋە سوتسىيالىستىك ئىناق جەمئىيەت بەرپا قىلىش تىل مۇھىتىنى بەرپا قىلىش جەھەتتە مۇھىم رولغا ئىگە. جايلار، ساھەلەر ئىدىيىنى يەنىمۇ بىرلىككە كەلتۈرۈپ، تونۇشنى ئۆستۈرۈپ، سۈرئەتنى تېزلىتىپ، ئورتاق تىل بويىچە تەربىيىلەش - سىناش خىزمىتىنى ئەستايىدىل ياخشى ئىشلىشى لازىم.
2. ئەستايىدىل ئۆگىنىپ، زور كۈچ بىلەن تەشۋىق قىلىشى لازىم
   جايلار، ساھەلەر ۋە سىستېمىلار «دۆلەت ئورتاق تىل - يېزىقى قانۇنى» ۋە «ئاپتونوم رايوننىڭ تىل - يېزىق خىزمىتى نىزامى» نى تەربىيىلەشنىڭ ئاساسىي مەزمۇنى قىلىپ، ئەستايىدىل تەشكىللەپ ئۆگىنىشى ۋە ئىزچىللاشتۇرۇشى، شۇنىڭ بىلەن بىر ۋاقىتتا كۆپ خىل ئۇسۇل ۋە چارە قوللىنىپ، زور كۈچ بىلەن تەشۋىق قىلىشى كېرەك. مەمۇرلارنى باشلامچى، ئاخبارات ۋاسىتىلىرىنى ئۈلگە، جامائەت مۇلازىمەت ساھەسىنى كۆزنەك قىلىپ، ئورتاق تىلنى ئومۇملاشتۇرۇش بىلەن تىل - يېزىقنى قېلىپلاشتۇرۇشنى شۇ تارماقنىڭ مەنىۋى مەدەنىيلىك خىزمىتى بىلەن بىرلەشتۈرۈپ، ئورتاق تىلنى ھەر دەرىجىلىك مەمۇرىي تارماقلارنىڭ خىزمەت تىلى، مۇلازىمەت ساھەسىنىڭ مۇلازىمەت تىلى قىلىپ، تىرىشىپ قېلىپلاشقان تىل - يېزىق مۇھىتى يارىتىشى كېرەك.
3. رەھبەرلىكنى كۈچەيتىپ، ئەمەلىيلەشتۈرۈشنى چىڭ تۇتۇش كېرەك
   سىستېمىلار، تارماقلار ئورتاق تىل بويىچە تەربىيىلەش، سىناش خىزمىتىنى مۇھىم كۈندىلىك ئىشلار تەرتىپىگە كىرگۈزۈپ، ئۇنى چىڭ ۋە ياخشى تۇتۇپ ئۈنۈم ھاسىل قىلىشى كېرەك. كونكرېت مەسئۇل بولىدىغان رەھبەرنى مەخسۇس بېكىتىپ، بىردىن 2 گىچە كەسپىي ياكى قوشۇمچە خادىمنى ۋەزىپە ئۆتەيدىغان كۈندىلىك خىزمەتلەرنى بىر تەرەپ قىلىشقا ئورۇنلاشتۇرۇپ، تەشكىلىي جەھەتتىن مۇكەممەل بولۇش، رەھبەرلىك ئەمەلىيلىشىش، مەسئۇلىيەتنى ئايدىڭلاشتۇرۇش ۋە كۈچلۈك تەدبىر قوللىنىشنى ئىشقا ئاشۇرۇپ، تەربىيىلەش، سىناش خىزمىتىنىڭ ساغلام، ئوڭۇشلۇق قانات يايدۇرۇلۇشىغا كاپالەتلىك قىلىش كېرەك. ھەر ساھەنىڭ ئورتاق تىل بويىچە تەربىيىلەش ۋە سىناش خىزمىتىنى يولغا قويۇشقا ئاپتونوم رايونلۇق مىللەتلەر تىل - يېزىق خىزمىتى كومىتېتى كونكرېت مەسئۇل بولىدۇ، ئالاقىدار تارماقلار ماسلىشىدۇ. تۆۋەندە ئاپتونوم رايونىمىز قىسمەن سىستېمىنىڭ ئورتاق تىل بويىچە تەربىيىلەش ۋە سىناش خىزمىتىنىڭ ۋاقتى ئورۇنلاشتۇرۇلدى، باشقا سىستېمىلارنىڭ ئورتاق تىل بويىچە تەربىيىلەش ۋە سىناش خىزمىتىنىڭ ۋاقتىنى ئاپتونوم رايونلۇق مىللەتلەر تىل - يېزىق خىزمىتى كومىتېتى ھەر كەسىپ، ھەر ساھەنىڭ مەسئۇل تارماقلىرى بىلەن مۇھاكىمە قىلىپ بېكىتىدۇ.

ۋاقتى                            سىستېما
2008 - يىل                 تۆمۈريول، خەلق ئاۋىئاتسىيىسى، مەدەنىيەت
2009 - يىل                 پوچتا
2010 - يىل                 پۇل مۇئامىلە
2011- يىل                  تەپتىش
2012 - يىل                ئۇچۇرچىلىق

 

2008 - يىل 6 - ئاينىڭ 4 - كۈنى

关于在自治区各系开展普通话水平培训测试工作的通知

 

شىنجاڭ ئۇيغۇر ئاپتونوم رايونلۇق خەلق ھۆكۈمىتى ئۇيۇشتۇردى
شىنجاڭ ئۇيغۇر ئاپتونوم رايونلۇق خەلق ھۆكۈمىتى بەنگۇڭتىڭى ئىشلىدى
شىنجاڭ ئۇيغۇر ئاپتونوم رايونلۇق خەلق ھۆكۈمىتى ئېلېكترونلۇق مەمۇرىيەت ئىشخانىسى باشقۇرىدۇ

  نومۇرلۇق - 05001680 ئە ICP ش