首页 > خەۋەرلەر > شىنجاڭ خەۋەرلىرى

‹‹12–بەش يىل››دا ئاپتونوم رايونىمىز 41 مىليون 875 مىڭ 500 مو قۇملاشقان يەرنى تىزگىنلەپ، نىشان–ۋەزىپىنى 2.6 ھەسسە ئاشۇرۇپ ئورۇندىدى

تەڭرىتاغ تورى :مەنبە 2017-07-17 06:14:18 :ۋاقىت

 مۇخبىرنىڭ ئاپتونوم رايونلۇق ئورمانچىلىق نازارىتىدىن ئىگىلىشىچە، ‹‹12 – بەش يىل››دا ئاپتونوم رايونىمىز ئۈچ شىمالىي ئىھاتە ئورمىنى، تېرىلغۇدىن ئورمانغا قايتۇرۇش، يايلىتىشنى توختىتىپ ئوت – چۆپ ئۆستۈرۈش، سۇ ۋە تۇپراقنى ساقلاش ۋە كىچىك ۋادىلارنى ئۇنىۋېرسال تىزگىنلەش قاتارلىق دۆلەتنىڭ نۇقتىلىق قۇرۇلۇشىغا تايىنىپ، 41 مىليون 875 مىڭ 500 مو قۇملاشقان يەرنى تىزگىنلەپ، ئاپتونوم رايونىمىزنىڭ ‹‹12 – بەش يىل››دىكى قۇمدىن مۇداپىئەلىنىش، قۇمنى تىزگىنلەش نىشان – ۋەزىپىسىنى 2.6 ھەسسە ئاشۇرۇپ ئورۇندىدى.

 دۆلەت ئورمانچىلىق ئىدارىسى يېقىندا ئېلان قىلغان ‹‹12 – بەش يىل››دىكى ئۆلكە دەرىجىلىك خەلق ھۆكۈمىتىنىڭ قۇمدىن مۇداپىئەلىنىش، قۇمنى تىزگىنلەش نىشان مەسئۇلىيەت مۇددىتى توشقاندىن كېيىنكى ئۇنىۋېرسال باھالاش نەتىجىسىدە، ئاپتونوم رايونىمىزنىڭ خىزمىتى ‹‹گەۋدىلىك›› بولغان.

 شىنجاڭ مەملىكەت بويىچە قۇملىشىش كۆلىمى ئەڭ چوڭ رايون، شۇنداقلا جۇڭگودىكى توپا – توزاننىڭ ئاساسلىق مەنبەلىرىنىڭ بىرى. ‹‹12 – بەش يىل››دىن بۇيان، شىنجاڭ تۈرلۈك تەدبىرلەرنى ئومۇملاشتۇرۇپ، ‹‹12 – بەش يىل››لىق قۇمدىن مۇداپىئەلىنىش، قۇمنى تىزگىنلەش ۋەزىپىسىنى بىر ھەسسە ئاشۇرۇپ ئورۇندىدى، بوستانلىقنىڭ ئورمان بىلەن قاپلىنىش نىسبىتى %23.5 تىن %28 كە يېتىپ، ئورمانلىق كۆلىمى 165 مىليون موغا يەتتى. يېڭىدىن كۆپەيتىلگەن دۆلەت دەرىجىلىك جامائەت پاراۋانلىقى ئورمىنى 12 مىليون 120 مىڭ مو بولۇپ، دۆلەت جامائەت پاراۋانلىق ئورمىنىنىڭ ئومۇمىي كۆلىمى 114 مىليون موغا يەتتى، بۇنىڭ ئىچىدە قۇملۇق رايون جامائەت پاراۋانلىقى ئورمىنىنىڭ كۆلىمى 87 مىليون 100 مىڭ مو بولۇپ، ھەممىسى باشقۇرۇش – قوغداش دائىرىسىگە كىرگۈزۈلدى.

 

 


شىنجاڭ ئۇيغۇر ئاپتونوم رايونلۇق خەلق ھۆكۈمىتى ئۇيۇشتۇردى
شىنجاڭ ئۇيغۇر ئاپتونوم رايونلۇق خەلق ھۆكۈمىتى بەنگۇڭتىڭى ئىشلىدى
شىنجاڭ ئۇيغۇر ئاپتونوم رايونلۇق خەلق ھۆكۈمىتى ئېلېكترونلۇق مەمۇرىيەت ئىشخانىسى باشقۇرىدۇ

  نومۇرلۇق - 05001680 ئە ICP ش