تىيانشان تورى خەۋىرى(ئىختىيارىي مۇخبىرلىرىمىز ۋاڭ لۇبىن، جۇ جيەنشىن خەۋىرى، فوتوسى): 2020-يىلى 7-ئاينىڭ 1-كۈنى سۈرەتكە تارتىلغان شىنجاڭ بايىنغولىن موڭغۇل ئاپتونوم ئوبلاستى خېجىڭ ناھىيەسىدىكى بايىنبۇلاق يايلىقىنىڭ قاردىن كېيىنكى گۈزەل مەنزىرىسى. شۇ كۈنى، بىر مەيدان ئۇششاق قاردىن كېيىن، ئېگىز تاغ يايلىقى ھېسابلىنىدىغان خېجىڭ ناھىيەسىدىكى بايىنبۇلاق يايلىقى بىر قەۋەت نىپىز كۈمۈش توندىن لىباس كېيىپ، ئۆزگىچە مەنزىرە ھاسىل بولدى، خۇددى چۆچەكلەردىكىدەك گۈزەل مەنزىرە نۇرغۇن فوتو سۈرەت ھەۋەسكارىنى بۇ يەرگە كېلىپ، تاماشا قىلىپ سۈرەتكە تارتىشقا جەلپ قىلدى.