G7 بېيجىڭ-شىنجاڭ يۇقىرى سۈرئەتلىك تاشيولىنى كېڭەيتىش قۇرۇلۇشى مۇلازىمەت رايونىنىڭ قۇرۇلۇش ئورۇنلاشتۇرۇشىغا ئاساسەن، 9-ئاينىڭ 11-كۈنى سائەت نۆلدىن 9-ئاينىڭ 12-كۈنى سائەت نۆلگىچە، G7 بېيجىڭ-شىنجاڭ يۇقىرى سۈرئەتلىك تاشيولى فۇكاڭ مۇلازىمەت رايونىنىڭ شىمالىي رايونى(گۇچۇڭدىن ئۈرۈمچىگە ماڭىدىغان يۆنىلىش) 24 سائەت پۈتۈنلەي تاقىلىدۇ، قۇرۇلۇش قىلغۇچى ئورۇن مۇلازىمەت رايونىدا يول يۈزى قۇرۇلۇشى قىلىدۇ.
ۋاقتى كەلگەندە، فۇكاڭ مۇلازىمەت رايونىنىڭ شىمالىي رايونىغا ھەرقانداق ئاپتوموبىل ۋە ئادەمنىڭ كىرىشى چەكلىنىدۇ، مۇلازىمەت رايونىدىكى ئاممىۋى ھاجەتخانا ۋە دۇكانلار ۋاقتىنچە ئىشلىتىلمەيدۇ. شوپۇر دوستلار ئەگەر G7 بېيجىڭ-شىنجاڭ يۇقىرى سۈرئەتلىك تاشيولى ئارقىلىق سانجى خۇيزۇ ئاپتونوم ئوبلاستىنىڭ جىمىسار ناھىيەسى، گۇچۇڭ ناھىيەسى، مورى ناھىيەسى ۋە ئالتاي يۆنىلىشىدىن ئۈرۈمچى شەھىرى، سانجى شەھىرىگە بارماقچى بولسا، لىنىيەنى ياخشى پىلانلاپ، G7 بېيجىڭ-شىنجاڭ يۇقىرى سۈرئەتلىك تاشيولى داخۇاڭشەن مۇلازىمەت رايونىنىڭ شىمالىي رايونىدا مۇددەتتىن بۇرۇن ئارام ئالسا، ماي قاچىلىسا بولىدۇ، فۇكاڭ مۇلازىمەت رايونىنى تاللىماسلىقى، شۇنداقلا يۇقىرى سۈرئەتلىك يولدا ئاپتوموبىل توختاتماسلىقى كېرەك.