تىيانشان تورى-شىنجاڭ گېزىتى خەۋىرى (مۇخبىر رېن جياڭ خەۋەر قىلىدۇ) 5-ئاينىڭ 7-كۈنى، «يەردىكى بۇلۇتلار» ناملىق ھۆججەتلىك فىلىم پۈتۈن مەملىكەتتىكى كىنوخانىلاردا رەسمىي قويۇلدى. بۇ فىلىمنى مەركىزىي رادىيو-تېلېۋىزىيە باش ئىستانسىسى قارىمىقىدىكى مەركىزىي ئاخبارات ھۆججەتلىك فىلىم ئىستۇدىيەسى (گۇرۇھى) ئىشلىگەن، سۈرەتكە ئالغان، شىنجاڭنىڭ ئاۋات ناھىيەسىدە نەق مەيداندا سۈرەتكە ئالغان، ئۈچ يىلدىن كۆپرەك ۋاقىتتا تاماملىغان.
ھۆججەتلىك فىلىم «يەردىكى بۇلۇتلار»نىڭ تەشۋىقات ئېلانى.
فىلىمدە ھەقىقىي كىنونى سۈرەتكە ئېلىش ۋە بايان قىلىش ئۇسۇلى قوللىنىلىپ، پاختىكار ئەركىن، جاۋ چياڭ ئىككى ئائىلىنىڭ پاختا تېرىش مەزگىلىدە تۈرلۈك قىيىنچىلىقلارغا دۇچ كەلگەنلىكى، ئاخىرىدا كۆپچىلىكنىڭ بىر نىيەتتە ھەمكارلىشىشى ئارقىسىدا، جاپالىق ئەمگىكىنىڭ ئاخىرى جاۋابقا ئېرىشكەنلىكى خاتىرىلەنگەن. فىلىمدە پاختىكارلارنىڭ پاختا تېرىش، پاختا سېتىش ھېكايىسى رېئال تەسۋىر ئارقىلىق بايان قىلىنغان بولۇپ، ئۇلارنىڭ ھەقىقىي تۇرمۇش مەنزىرىسى، ئاددىي ئائىلە قارىشى، شۇنداقلا ئەمگەكچان ئىككى قولى بىلەن بەختلىك كەلگۈسىنى يارىتىش ئارزۇسى ئەكس ئەتتۈرۈلگەن. شۇنىڭ بىلەن بىللە، فىلىمدە ئاۋات ناھىيەسىنىڭ كۈندىلىك تۇرمۇش مەنزىرىسى ۋە خەلق ئۆرپ-ئادىتى جانلىق ئەكس ئەتتۈرۈلۈپ، شىنجاڭنىڭ ئۆرپ-ئادىتى جانلىق تەسۋىرلەنگەن.
ھۆججەتلىك فىلىم «يەردىكى بۇلۇتلار»نىڭ تەشۋىقات ئېلانى.
بۇ فىلىم 26-نۆۋەتلىك شاڭخەي خەلقئارا كىنو بايرىمىنىڭ خەلقئارا فىلىملەرنى كۆرگەزمە قىلىپ قويۇش بۆلىكىگە تاللىنىپ، بىردىنبىر تاللانغان جۇڭگو فىلىمى بولۇپ قالدى؛ 37-نۆۋەتلىك گوللاندىيە ئامىستېردام خەلقئارا ھۆججەتلىك فىلىم بايرىمىنىڭ Docs for Sale بۆلىكىگە تاللىنىپ قويۇلدى، ئامېرىكا، گوللاندىيە، پولشا، گىرېتسىيە، لاتۋىيە، ئىتالىيە، سىلوۋاكىيە، كورىيە قاتارلىق دۆلەتلەردىن كەلگەن تاماشىبىنلار فىلىمنى كۆرۈپ، كەڭ دىققەت ئېتىبار قوزغىدى؛ بۇ فىلىم 6-نۆۋەتلىك خەينەن ئارىلى خەلقئارا كىنو بايرىمىنىڭ ئاساسلىق مۇسابىقە بۆلىكى بويىچە ئەڭ ياخشى ئۇزۇن ھۆججەتلىك فىلىم مۇكاپاتىغا ئېرىشتى. ئېرلاندىيە دۇبلىن داشۆسىدە قويۇلغاندا، دۇبلىن داشۆ ئوقۇغۇچىلىرى فىلىمدىكى قېرىنداشلىق مېھرىدىن تەسىرلەندى، نۇرغۇن كىشى شىنجاڭغا كېلىپ كۆرۈپ بېقىشنى ئۈمىد قىلىدىغانلىقىنى بىلدۈردى.
ھۆججەتلىك فىلىم «يەردىكى بۇلۇتلار»نىڭ تەشۋىقات ئېلانى.
«5-ئاينىڭ 7-كۈنى بۇ فىلىم پۈتۈن مەملىكەتتىكى كىنوخانىلاردا رەسمىي قويۇلغان تۇنجى كۈن، شىنجاڭدىكى بارلىق خەلق كىنوخانىلىرىدا بىردەك قويۇلدى» دېدى شىنجاڭ خۇاشيا تىيانشان كىنوخانىسى تارقىتىش مەركىزىنىڭ باش دىرېكتورى لياۋ شيا تونۇشتۇرۇپ. ھازىر بۇ شىركەت فىلىم تارقاتقۇچى تەرەپ بولۇش سۈپىتى بىلەن، فىلىم ئىشلەش قاتارلىق ئالاقىدار ئىشلارنى پۈتۈن كۈچ بىلەن ئالغا سىلجىتىۋاتىدۇ.
«بۇ فىلىم ھەم چوڭقۇر ئەھمىيەتكە، ھەم بىرقەدەر يۇقىرى بەدىئىي سەۋىيەگە ئىگە بولۇپ، كۈچلۈك تەسىرلەندۈرۈش كۈچىگە ئىگە نادىر ئەسەر. تېخىمۇ كۆپ تاماشىبىنلارنىڭ كىنوخانىغا كىرىپ، بۇ ياخشى ھەم ئەھمىيەتلىك فىلىمنى كۆرۈشىنى ئۈمىد قىلىمەن. بىز تارقىتىش خىزمىتىنى كۈچىمىزنىڭ بارىچە ياخشى ئىشلەپ، بۇ مۇنەۋۋەر فىلىمنىڭ تېخىمۇ زور قىممىتى ۋە تەسىر كۈچىنى جارى قىلدۇرىمىز» دېدى لياۋ شيا.