ھازىرقى ئىقتىساد خىزمىتىنى ياخشى ئىشلەش قاتارلىقلار مۇھاكىمە قىلىندى
شىنجاڭ گېزىتى، ئۈرۈمچى، 8 - ئاينىڭ 21 - كۈنى خەۋىرى ئانار بۇلۇت\شىنجاڭ گېزىتى مۇخبىرى لى ياڭ خەۋەر قىلىدۇ: 8 - ئاينىڭ 21 - كۈنى چۈشتىن كېيىن، ئاپتونوم رايوننىڭ رەئىسى ئەركىن تۇنىياز ئاپتونوم رايونلۇق ھۆكۈمەتنىڭ دائىمىي يىغىنىنى رىياسەتچىلىك قىلىپ ئاچتى، يىغىندا باش شۇجى شى جىنپىڭنىڭ يېقىنقى مەزگىلدىكى مۇھىم سۆزىنىڭ روھى چوڭقۇر ئۆگىنىلدى، ئىزچىللاشتۇرۇلدى، گوۋۇيۈەننىڭ 9 - قېتىملىق ئومۇمىي يىغىنىنىڭ روھى ئۆگىنىلدى، ئىزچىللاشتۇرۇلدى، ئاپتونوم رايونلۇق پارتىيە كومىتېتىنىڭ ئورۇنلاشتۇرۇشى بويىچە، ھازىرقى ئىقتىساد خىزمىتىنى ياخشى ئىشلەش، جۇڭگو ماشىنىسازلىق سانائىتى گۇرۇھى چەكلىك شىركىتى (تۆۋەندە قىسقارتىلىپ «دۆلەت ماشىنىسازلىق گۇرۇھى» دېيىلدى)، بېيجىڭ ئاۋىياتسىيە ئالەم قاتنىشى داشۆسى (تۆۋەندە قىسقارتىلىپ «بېيجىڭ ئاۋىياتسىيە داشۆسى» دېيىلدى) بىلەن بولغان ھەمكارلىقنى چوڭقۇرلاشتۇرۇش قاتارلىقلار مۇھاكىمە قىلىندى.
يىغىندا مۇنداق كۆرسىتىلدى: گوۋۇيۈەننىڭ 9 - قېتىملىق ئومۇمىي يىغىنىنىڭ روھىنى ئەستايىدىل ئۆگىنىپ، ئىزچىللاشتۇرۇپ، ئاپتونوم رايونلۇق پارتىيە كومىتېتىنىڭ كېيىنكى يېرىم يىللىق ئىقتىساد خىزمىتى توغرىسىدىكى ئورۇنلاشتۇرۇشى بويىچە يولغا قويۇش تەدبىرلىرىنى ئىنچىكىلەشتۈرۈپ، ماسلىشىش، ھەمكارلىشىشنى كۈچەيتىپ، خىزمەتلەرنى قاتلاممۇقاتلام ئالغا سىلجىتىپ، پۈتۈن يىللىق ئىقتىساد، جەمئىيەت تەرەققىياتى نىشان - ۋەزىپىلىرىنى مۇۋەپپەقىيەتلىك تاماملاشقا ھەقىقىي كاپالەتلىك قىلىش كېرەك. ئىقتىسادنىڭ ئايلىنىشىنى ئورۇنلاشتۇرۇشنى كۈچەيتىپ، نۇقتىلىق ساھە، چوڭ - چوڭ تۈر، نۇقتىلىق ۋىلايەت، ئوبلاستلارغا بولغان تەكشۈرۈپ تەتقىق قىلىش، يېتەكچىلىكنى كۈچەيتىپ، ئامىل كاپالىتىنى كۈچەيتىش كېرەك. ئاشلىق ۋە يېزا ئىگىلىك ئىشلەپچىقىرىشىنى بىرتۇتاش پىلانلاپ ياخشى تۇتۇپ، سانائەت ئاساسىي ھالىتىنى مۇقىملاشتۇرۇپ، ئىستېمالنىڭ سۈپىتىنى ئۆستۈرۈپ سىغىمىنى كېڭەيتىشنى ئىلگىرى سۈرۈپ، ئىمپورت - ئېكسپورت سودىسىنى مۇقىملاشتۇرۇپ ۋە كېڭەيتىپ، تۈرلۈك چارە - تەدبىرلەر ئارقىلىق ھەر مىللەت ئاممىنىڭ ئىشقا ئورۇنلىشىپ كىرىمىنى ئاشۇرۇشىنى ئىلگىرى سۈرۈش كېرەك. نۇقتىلىق ساھەلەر ئىسلاھاتىنى سىجىل چوڭقۇرلاشتۇرۇپ، ھۆكۈمەتنىڭ خىزمەت ئۈنۈمىنى ئۆستۈرۈپ، بازارلاشقان، قانۇنچىللاشقان، خەلقئارالاشقان تىجارەت - سودا مۇھىتىنى كۈچەپ بەرپا قىلىش كېرەك. پەن - تېخنىكىدا يېڭىلىق يارىتىش ئارقىلىق يېتەكلەشنى كۈچەيتىپ، يېڭىلىق يارىتىش سۇپىسى قۇرۇلۇشىنى تېزلىتىپ، ئىشلەپچىقىرىش، ئوقۇتۇش، تەتقىقاتنىڭ چوڭقۇر يۇغۇرۇلۇشىغا تۈرتكە بولۇش كېرەك. شىنجاڭنىڭ «بەش چوڭ ئىستراتېگىيەلىك ئورۇن بېكىتمىسى»نىڭ ماھىيەتلىك مەزمۇنى، ۋاسىتىسى قاتارلىقلارنى چوڭقۇر مۇھاكىمە قىلىپ، «15 - بەش يىل»لىق يىرىك پىلاننى تۈزۈش خىزمىتىنى يۇقىرى سۈپەتلىك ياخشى ئىشلەش كېرەك. خەلق تۇرمۇشى تۆۋەن چېكىنى تولۇق كاپالەتلەندۈرۈپ، ئىشقا ئورۇنلاشتۇرۇش، مائارىپ، داۋالاش قاتارلىق خىزمەتلەرنى نۇقتىلىق ياخشى ئىشلەپ، خەلق تۇرمۇشىغا دائىر ئون ئەمەلىي ئىشنى پۇختا ئالغا سىلجىتىش كېرەك. تەرەققىيات بىلەن بىخەتەرلىكنى بىرتۇتاش پىلانلاپ، بىخەتەر ئىشلەپچىقىرىش مەسئۇلىيەت تۈزۈمىنى قاتتىق ئەمەلىيلەشتۈرۈپ، كەلكۈندىن مۇداپىئەلىنىش، قۇرغاقچىلىققا تاقابىل تۇرۇش، ئاپەتتىن قۇتقۇزۇش قاتارلىق خىزمەتلەرنى ئەمەلىي، ئىنچىكە ئىشلەپ، نۇقتىلىق ساھەلەردىكى خەۋپ - خەتەرنىڭ ئالدىنى ئېلىش ۋە جەمئىيەتتىكى زىددىيەت - ماجىرالارنى بىرمۇبىر تەكشۈرۈپ تۈگىتىشنى چوڭقۇرلاشتۇرۇپ، ئىقتىسادنىڭ مۇقىم ئايلىنىشى، جەمئىيەت ئومۇمىيىتىنىڭ مۇقىملىقىغا ھەقىقىي كاپالەتلىك قىلىش كېرەك.
يىغىندا مۇنداق كۆرسىتىلدى: دۆلەت ماشىنىسازلىق گۇرۇھى بىلەن بولغان ھەمكارلىقنى يەنىمۇ چوڭقۇرلاشتۇرۇپ، توقۇمىچىلىق ماشىنىلىرىنى ئاپتوماتلاشتۇرۇش، ئەقلىي ئىقتىدارلاشتۇرۇش، رەقەملەشتۈرۈپ دەرىجىسىنى ئۆستۈرۈش قاتارلىقلارنى چۆرىدەپ، يۇقىرى سەۋىيەلىك تېخنىكا ئىختىساسلىقلىرى ۋە تېخنىك قوشۇنىنى يېتىشتۈرۈش كېرەك. دۆلەت ماشىنىسازلىق گۇرۇھىنىڭ يېزا ئىگىلىك ماشىنىلىرى جابدۇق ياسىمىچىلىقى، ئاقىل يېزا ئىگىلىكى، يېڭى ئېنېرگىيە، يېڭى ماتېرىيال، ئېلېكتىر ئېنېرگىيەسى، كۆمۈر خىمىيە سانائىتى، ئېكولوگىيە - مۇھىتنى قوغداش قاتارلىق ساھەلەردىكى ئەۋزەللىكىنى جارى قىلدۇرۇپ، ئالدىنقى قاتاردىكى تېخنىكىلاردا ئۆتكەلگە ھۇجۇم قىلىشنى زور كۈچ بىلەن قانات يايدۇرۇش كېرەك. شەھەر قۇرۇلۇشى، شەھەرنى يېڭىلاش، يېزا - كەنتلەرنى گۈللەندۈرۈش، كەسىپلەر باغچە رايونى، داۋالاش - ساقلىقنى ساقلاش، مۇھىت قوغداش - سۇ ئىشلىرى، زامانىۋى ئەشيا ئوبوروتى، يىغىن - كۆرگەزمە ئىقتىسادى قاتارلىقلارنى يۆنىلىش قىلىپ، دۆلەت ماشىنىسازلىق گۇرۇھى ۋە ئالاقىدار كارخانىلار بىلەن بولغان كۆپ ساھە، كۆپ خىل ھەمكارلىقنى قانات يايدۇرۇشنى ئالغا سىلجىتىش كېرەك.
يىغىندا مۇنداق كۆرسىتىلدى: دۆلەتنىڭ ئىستراتېگىيەلىك نىشانى ۋە ئىقتىساد، جەمئىيەت تەرەققىياتىنىڭ ئالدىنقى سەپ ساھەسىنى چىڭ كۆزلەپ، بېيجىڭ ئاۋىياتسىيە ئالەم قاتنىشى داشۆسىنىڭ تۆۋەن بوشلۇق ئىقتىسادى، ئەقلىي ئىقتىدارلىق قاتناش، ئۇچۇر تېخنىكىسى، يېڭى ماتېرىيال، جابدۇق ياسىمىچىلىقى قاتارلىق ساھەلەردىكى تېخنىكا ئەۋزەللىكىنى تولۇق جارى قىلدۇرۇپ، يۇقىرى سۈپەتلىك پەن - تېخنىكا نەتىجىلىرى، كەسىپلەشكەن تۈرلەرنى شىنجاڭدا ئايلاندۇرۇش، ئەمەلىيلەشتۈرۈشكە تۈرتكە بولۇش كېرەك. كادىرلار، ئىختىساسلىقلارنى ئالماشتۇرۇش، ئۆزئارا ئەۋەتىشنى كۈچەيتىپ، يۇقىرى قاتلاملىق ئىختىساسلىقلارنى بىرلىكتە تەربىيەلەپ، خاسلىققا ئىگە مۇتەخەسسىسلەر ئاقىللار ئامبىرى قۇرۇپ، شىنجاڭنىڭ يۇقىرى سۈپەتلىك تەرەققىياتىنى ئەقلىي كۈچ مەدىتى بىلەن تەمىنلەش كېرەك.
يىغىندا يەنە باشقا ئىشلار مۇھاكىمە قىلىندى.