چېن مىڭگو كۆرۈشۈشكە قاتناشتى
شىنجاڭ گېزىتى، ئۈرۈمچى، 8 - ئاينىڭ 27 - كۈنى خەۋىرى ئانار بۇلۇت\شىنجاڭ گېزىتى مۇخبىرى ۋاڭ شىڭرۇي خەۋەر قىلىدۇ: ئاپتونوم رايونلۇق پارتىيە كومىتېتىنىڭ شۇجىسى چېن شياۋجياڭ، ئاپتونوم رايوننىڭ رەئىسى ئەركىن تۇنىياز 8 - ئاينىڭ 26 - كۈنى ئۈرۈمچىدە 3 - نۆۋەتلىك تېررورلۇققا قارشى تۇرۇش خەلقئارا مۇھاكىمە يىغىنىغا قاتناشقان ئاساسلىق ئەزىز مېھمانلار ۋەكىللىرى بىلەن كۆرۈشتى.
ئاپتونوم رايونلۇق پارتىيە كومىتېتىنىڭ مۇئاۋىن شۇجىسى، سىياسىي - قانۇن كومىتېتىنىڭ شۇجىسى چېن مىڭگو كۆرۈشۈشكە قاتناشتى.
چېن شياۋجياڭ جۇڭگو كوممۇنىستىك پارتىيەسى شىنجاڭ ئۇيغۇر ئاپتونوم رايونلۇق كومىتېتى ۋە ئاپتونوم رايونلۇق خەلق ھۆكۈمىتىگە ۋاكالىتەن، ھەرقايسى ئەزىز مېھمانلارنىڭ كەلگەنلىكىنى قارشى ئالدى. ئۇ مۇنداق دېدى: رەئىس شى جىنپىڭ شىنجاڭ خىزمىتىگە يۈكسەك ئەھمىيەت بېرىپ، يېڭى دەۋردىكى جۇڭگو كوممۇنىستىك پارتىيەسىنىڭ شىنجاڭنى ئىدارە قىلىش تەدبىرىنى ئورنىتىپ، شىنجاڭنىڭ دۆلەت ئومۇملۇقىدىكى «بەش چوڭ ئىستراتېگىيەلىك ئورۇن بېكىتمىسى»نى بېكىتىپ، شىنجاڭنى ئىقتىساد، جەمئىيەت تەرەققىياتىدا تارىخىي مۇۋەپپەقىيەتلەرنى قولغا كەلتۈرۈشكە يېتەكلىدى، ھەر مىللەت ئاممىنىڭ ئېرىشىش تۇيغۇسى، بەخت تۇيغۇسى، بىخەتەرلىك تۇيغۇسى ئۈزلۈكسىز كۈچەيدى. شىنجاڭ جەمئىيەت مۇقىملىقى ۋە ئەبەدىي ئەمىنلىك باش نىشانىنى مەھكەم ئىگىلەپ تۈرلۈك خىزمەتلەرنى ئالغا سىلجىتىپ، باشتىن - ئاخىر جەمئىيەت مۇقىملىقىنى قوغداشنى باش ئورۇنغا قويۇپ، تېررورلۇققا قارشى تۇرۇش، مۇقىملىقنى قوغداشنى قانۇنچىللاشتۇرۇش، دائىملاشتۇرۇشنى سىجىل ئالغا سىلجىتىپ، تېررورىزمغا قارشى تۇرۇش ۋە ئەسەبىيلىكنى تۈگىتىش كۈرىشىنى قانۇن بويىچە قانات يايدۇرۇپ، ھەر مىللەت ئاممىنىڭ ياشاش ھوقۇقى، تەرەققىيات ھوقۇقى قاتارلىق ئاساسىي ھوقۇقىنى كۈچلۈك كاپالەتلەندۈرۈپ، خەلقئارا جەمئىيەتنىڭ كەڭ قوللىشى ۋە ئېتىراپ قىلىشىغا ئېرىشتى. تېررورىزم ئىنسانىيەتنىڭ ئورتاق دۈشمىنى. جۇڭگو شىنجاڭ ھەرقايسى دۆلەتلەر بىلەن بولغان يەرلىكلەر ئارا «ئۈچ خىل كۈچ» ۋە دۆلەت ھالقىغان جىنايەتلەرگە زەربە بېرىش، تېررورلۇققا قارشى تۇرۇش ئىقتىدارىنى ئۆستۈرۈش قاتارلىق ساھەلەردىكى ھەمكارلىقنى سىجىل كۈچەيتىدۇ. ھەرقايسى ئەزىز مېھمانلارنىڭ تېررورلۇققا قارشى تۇرۇش، ئەسەبىيلىكنى تۈگىتىشكە دائىر تېخىمۇ كۆپ نەزەرىيە ۋە ئەمەلىيەت نەتىجىلىرىنى تەتقىق قىلىپ ئوتتۇرىغا چىقىرىپ، تېررورلۇققا قارشى تۇرۇش - خەۋپسىزلىك ساھەسىدىكى خەلقئارا ھەمكارلىقنى پائال ئىلگىرى سۈرۈپ، تېررورىزمغا ئورتاق زەربە بېرىپ، ئەسەبىيلىك ئىدىيەسىگە تاقابىل تۇرۇپ، خەلقئارا ۋە رايون خەۋپسىزلىكى، مۇقىملىقىنى قوغداشتا تېخىمۇ زور رولىنى جارى قىلدۇرۇشىنى ئۈمىد قىلىمەن.
دۇنيا مۇسۇلمانلار رايونى كېڭىشىنىڭ رەئىسى، ئەرەب بىرلەشمە خەلىپىلىكى فېدېراتسىيە خەلق پارلامېنتى دۆلەت مۇداپىئەسى، ئىچكى ئىشلار ۋە دىپلوماتىيە ئىشلىرى كومىتېتىنىڭ رەئىسى ئەلى مۇنداق بىلدۈردى: جۇڭگو شىنجاڭنىڭ تېررورلۇققا قارشى تۇرۇش، ئەسەبىيلىكنى تۈگىتىش كۈرىشىدىكى مۇۋەپپەقىيەتلىك ئەمەلىيىتى ھەرقايسى دۆلەتلەرنى پايدىلىق ئۆرنەك بىلەن تەمىنلىدى، بۇ، پۈتكۈل ئىنسانىيەتنىڭ ئورتاق تەجرىبىسى. تېررورىزم بارلىق دۆلەت ۋە پۈتكۈل ئىنسانىيەتكە قىلىنغان خىرىس بولۇپ، خەلقئارا تىنچلىق ۋە خەۋپسىزلىككە ئېغىر تەھدىت سالىدۇ. ھەرقايسى تەرەپلەر جەزمەن بىردەك ئىتتىپاقلىشىپ، قول تۇتۇشۇپ تەھدىتكە تاقابىل تۇرۇشى كېرەك. يېقىنقى يىللاردىن بۇيان، شىنجاڭنىڭ جەمئىيەت ئومۇمىيىتى سىجىل مۇقىم بولۇشنى ساقلىدى، ئىقتىساد، جەمئىيەت ئىشلىرىدا ھەر تەرەپلىمە تەرەققىيات ئىشقا ئاشۇرۇلدى، يەنىمۇ ئىلگىرىلىگەن ھالدا دوستانە ئالماشتۇرۇشنى كۈچەيتىپ، ئۆزئارا مەنپەئەت يەتكۈزۈش ھەمكارلىقىنى چوڭقۇرلاشتۇرۇپ، دۇنيانى ھەقىقىي جۇڭگو شىنجاڭنى چۈشىنىش ئىمكانىيىتىگە ئىگە قىلىشنى ئۈمىد قىلىمەن.
دىپلوماتىيە مىنىستىرلىقى خەۋپسىزلىك مەھكىمىسى، جۇڭگو خەلقئارا مەسىلىلەر تەتقىقات ئورنىدىكى مەسئۇل يولداشلار سۆز قىلدى.
ئالاقىدار دۆلەت ھەم خەلقئارا تەشكىلاتلارنىڭ ۋەكىللىرى، دۆلەت ئىچىدىكى ئالاقىدار تەتقىقات ئورۇنلىرىنىڭ ۋەكىللىرى ۋە مۇتەخەسسىس، ئالىملار كۆرۈشۈشكە قاتناشتى.
چېن ۋېيجۈن، ئېلزات ئەخمەتجان، قادېن كەبىن، دۆلەتنىڭ ئالاقىدار مىنىستىرلىق، كومىتېتلىرىدىكى يولداشلار، ئاپتونوم رايوننىڭ ئالاقىدار رەھبەرلىرى ۋە ئالاقىدار ئورۇنلىرىدىكى مەسئۇل يولداشلار كۆرۈشۈشكە قاتناشتى.