شىنجاڭ خاسلىقىغا ئىگە زامانىۋىلاشقان خەلقنىڭ شەھىرى قۇرۇپ چىقىشنى تېزلىتىش كېرەك

ئاپتونوم رايونلۇق پارتىيە كومىتېتى شەھەر خىزمىتى يىغىنى ئېچىلدى

شىنجاڭ خاسلىقىغا ئىگە زامانىۋىلاشقان خەلقنىڭ شەھىرى قۇرۇپ چىقىشنى تېزلىتىش كېرەك

چېن شياۋجياڭ سۆز قىلدى، ئەركىن تۇنىياز رىياسەتچىلىك قىلدى، زۇمرەت ئوبۇل، نۇرلان ئەبىلمەجىن، خې جۇڭيوۋ، جاڭ جۇ، چېن مىڭگو قاتناشتى

8 - ئاينىڭ 27 - كۈنى، ئاپتونوم رايونلۇق پارتىيە كومىتېتى شەھەر خىزمىتى يىغىنى ئۈرۈمچىدە ئېچىلدى، ئاپتونوم رايونلۇق پارتىيە كومىتېتىنىڭ شۇجىسى، بىڭتۇەن پارتىيە كومىتېتىنىڭ 1 - شۇجىسى، 1 - جېڭۋېي چېن شياۋجياڭ يىغىنغا قاتناشتى ھەم سۆز قىلدى. □ئانار بۇلۇت\شىنجاڭ گېزىتى مۇخبىرى سۈي جىجيەن فوتوسى

شىنجاڭ گېزىتى، ئۈرۈمچى، 8 - ئاينىڭ 27 - كۈنى خەۋىرى ئانار بۇلۇت\شىنجاڭ گېزىتى مۇخبىرى ۋاڭ شىڭرۇي خەۋەر قىلىدۇ: ئاپتونوم رايونلۇق پارتىيە كومىتېتى شەھەر خىزمىتى يىغىنى 8 - ئاينىڭ 27 - كۈنى ئۈرۈمچىدە ئېچىلدى، ئاپتونوم رايونلۇق پارتىيە كومىتېتىنىڭ شۇجىسى، بىڭتۇەن پارتىيە كومىتېتىنىڭ 1 - شۇجىسى، 1 - جېڭۋېي چېن شياۋجياڭ يىغىنغا قاتناشتى ھەم سۆز قىلدى.

ئاپتونوم رايونلۇق پارتىيە كومىتېتىنىڭ مۇئاۋىن شۇجىسى، ئاپتونوم رايوننىڭ رەئىسى ئەركىن تۇنىياز رىياسەتچىلىك قىلدى. ئاپتونوم رايونلۇق خەلق قۇرۇلتىيى دائىمىي كومىتېتىنىڭ مۇدىرى زۇمرەت ئوبۇل، ئاپتونوم رايونلۇق سىياسىي كېڭەشنىڭ رەئىسى نۇرلان ئەبىلمەجىن، ئاپتونوم رايونلۇق پارتىيە كومىتېتىنىڭ مۇئاۋىن شۇجىسى، بىڭتۇەننىڭ جېڭۋېيسى خې جۇڭيوۋ، ئاپتونوم رايونلۇق پارتىيە كومىتېتىنىڭ مۇئاۋىن شۇجىسى جاڭ جۇ، چېن مىڭگو قاتناشتى.

چېن شياۋجياڭ مۇنداق كۆرسەتتى: باش شۇجى شى جىنپىڭنىڭ شەھەر خىزمىتى توغرىسىدىكى مۇھىم بايانلىرى ۋە مەركەز شەھەر خىزمىتى يىغىنىنىڭ روھىنى چوڭقۇر ئۆگىنىپ، ئىزچىللاشتۇرۇپ، خەلقنىڭ شەھىرى ئىدىيەسىنى ئەمەلدە كۆرسىتىپ، مۇقىملىق ئاساسىدا ئىلگىرىلەش خىزمەت باش رىتىمىدا چىڭ تۇرۇپ، زامانىۋىلاشقان خەلقنىڭ شەھىرى قۇرۇپ چىقىشنى نىشان، شەھەرنىڭ يۇقىرى سۈپەتلىك تەرەققىياتىغا تۈرتكە بولۇشنى باش تېما، شەھەرنىڭ ئىچكى ئامىللىق تەرەققىياتىدا چىڭ تۇرۇشنى ئاساسىي لىنىيە، شەھەر يېڭىلاشنى ئالغا سىلجىتىشنى مۇھىم تۇتقا قىلىپ، يېڭىلىق يارىتىلغان، ئولتۇراقلىشىشقا ماس كېلىدىغان، گۈزەل، ئەۋرىشىم، مەدەنىي، ئاقىل زامانىۋىلاشقان خەلقنىڭ شەھىرىنى تىرىشىپ قۇرۇپ چىقىش كېرەك.

چېن شياۋجياڭ مۇنداق تەكىتلىدى: شەھەرنىڭ ئىچكى ئامىللىق تەرەققىياتىدا «بەشنى ئۆزگەرتىش، بەشكە تېخىمۇ ئەھمىيەت بېرىش» مۇھىم پىرىنسىپىنى ئەمەلىيلەشتۈرۈپ، ھەر مىللەت ئاممىنىڭ گۈزەل تۇرمۇش ئىستىكىنى ئىشقا ئاشۇرۇشنى مەۋقە ۋە مەقسەت قىلىپ، تۈجۈپىلىك تەرەققىياتنى ئالغا سىلجىتىپ، ئۆزگىچە تەرەققىياتقا ئەھمىيەت بېرىپ، ئورتاق قۇرىدىغان، ئورتاق ئىدارە قىلىدىغان، ئورتاق بەھرىلىنىدىغان شەھەرنى ئىدارە قىلىش يېڭى يولىنى كېڭەيتىپ، ھۆكۈمەت، بازار، جەمئىيەت، شەھەر ئاھالىسىنىڭ بىرىكمە كۈچ شەكىللەندۈرۈشىگە تۈرتكە بولۇش كېرەك. شەھەر خىزمىتىدە «بىرنى ئەلالاشتۇرۇش، ئالتىنى قۇرۇش» نۇقتىلىق ۋەزىپىسىنى ئالغا سىلجىتىپ، چوڭ، ئوتتۇرا، كىچىك شەھەرلەر ۋە كىچىك شەھەر - بازارلار ماسلىشىپ تەرەققىي قىلىش ئەندىزىسىنى بەرپا قىلىپ، يېڭىلىق يارىتىش ئېكولوگىيەسىنى كۆڭۈل قويۇپ يېتىلدۈرۈپ، شەھەر ئىقتىدارىنى ياخشىلاپ ۋە ئۆستۈرۈپ، يېشىل، تۆۋەن كاربونلۇق تەرەققىياتقا تۈرتكە بولۇپ، شەھەر بىخەتەرلىكى تۆۋەن چېكىنى چىڭ ساقلاپ، شەھەر مەدەنىيلىكىنى پائال يېتىلدۈرۈپ، شەھەرنى ئىدارە قىلىشنىڭ قانۇنچىللىشىش، ئاقىللىشىش، ئىنچىكىلىشىش سەۋىيەسىنى ئۆستۈرۈش كېرەك. جۇڭخۇا مىللىتى ئورتاق گەۋدىسى ئېڭىنى مۇستەھكەملەش ئاساسىي لىنىيەسىنى شەھەر خىزمىتىنىڭ پۈتكۈل جەريانىغا سىڭدۈرۈپ، ئارىلىشىپ ئولتۇراقلىشىدىغان جەمئىيەت قۇرۇلمىسى ۋە مەھەللە مۇھىتى بەرپا قىلىپ، ھەرقايسى مىللەتلەرنىڭ ئارىلىشىشى، ئالماشتۇرۇشى، يۇغۇرۇلۇشىنى ئىلگىرى سۈرۈپ، «بەشنى قەلبتىن ئېتىراپ قىلىش»نى كۈچەيتىش كېرەك. بىڭتۇەننىڭ شەھەرلىرىنى شىنجاڭنىڭ شەھەر - بازارلاشتۇرۇش سىستېمىسىغا سىڭدۈرۈپ، ئەسلىھەلەرنى ئورتاق قۇرۇش، بايلىقتىن ئورتاق بەھرىلىنىش، چوڭقۇر گىرەلىشىش، ئەۋزەللىكلەر ئارقىلىق ئۆزئارا تولۇقلاشنى ئىشقا ئاشۇرۇشقا تۈرتكە بولۇش كېرەك.

چېن شياۋجياڭ مۇنداق تەكىتلىدى: رايون مەركىزىي شەھىرىنى يۇقىرى ئۆلچەملىك قۇرۇپ، يىرىك پىلان بويىچە باشقۇرۇش - تىزگىنلەش ۋە يېتەكچىلىك قىلىشنى كۈچەيتىپ، شەھەرنىڭ فۇنكسىيەلىك ئورۇن بېكىتمىسىنى ئايدىڭلاشتۇرۇپ، كەسىپ تەرەققىيات ئاساسىنى پۇختىلاپ، يۇقىرى سەۋىيەلىك سىرتقا ئېچىۋېتىشنى كېڭەيتىپ، ئۈرۈمچىنى دۆلەتنىڭ غەربىي قىسىم رايونىدىكى مۇھىم مەركىزىي شەھەر ۋە زامانىۋىلاشقان خەلقئارا شەھەر قىلىپ بەرپا قىلىش، غۇلجا، قەشقەرنى شىنجاڭ بويىچە قوشۇمچە مەركىزىي شەھەر قىلىپ بەرپا قىلىش كېرەك. دىققەتنى جەنۇبىي شىنجاڭدىكى گەۋدىلىك مەسىلىلەرنى ھەل قىلىشقا مەركەزلەشتۈرۈپ، يېڭىچە شەھەر - بازارلاشتۇرۇشنى ئالغا سىلجىتىش، نۇقتىلىق ناھىيە، شەھەرلەرنىڭ بازارلاشتۇرۇش قەدىمىنى تېزلىتىش، بىڭتۇەن شەھەر - بازارلىرىنىڭ ئەمەلىي كۈچىنى ئاشۇرۇش، كەسىپلەر ئارقىلىق ئادەم توپلاش، مائارىپ ئارقىلىق ئادەم تەربىيەلەشنى ئالغا سىلجىتىپ، جەنۇبىي شىنجاڭدىن ئىبارەت «شاھمات كۆزى»نى جانلاندۇرۇشنى تىرەك بىلەن تەمىنلەش كېرەك.

چېن شياۋجياڭ مۇنداق تەكىتلىدى: پارتىيەنىڭ شەھەر خىزمىتىگە بولغان ئومۇميۈزلۈك رەھبەرلىكىنى كۈچەيتىپ، رەھبەرلىك تۈزۈلمىسى ۋە خىزمەت مېخانىزمىنى تاكامۇللاشتۇرۇپ، شەھەر تەرەققىياتىدىكى كۆرۈنمە نەتىجە بىلەن يوشۇرۇن نەتىجە، سۈرئەت بىلەن سۈپەت، تەرەققىيات بىلەن بىخەتەرلىك، ھازىر بىلەن كەلگۈسىنىڭ مۇناسىۋىتىنى توغرا بىر تەرەپ قىلىپ، شەھەر خىزمىتى كادىرلار قوشۇنى قۇرۇلۇشىنى كۈچەيتىپ، شىنجاڭدىكى شەھەرلەرنىڭ يۇقىرى سۈپەتلىك تەرەققىياتىغا كۈچلۈك كاپالەتلىك قىلىش كېرەك.

ئاپتونوم رايوندىكى ئالاقىدار ئورۇنلار ۋە بىڭتۇەن، يەرلىكتىكى قىسمەن شەھەرلەردىكى مەسئۇل يولداشلار سۆز قىلدى.

ئاپتونوم رايونلۇق پارتىيە كومىتېتى، خەلق قۇرۇلتىيى دائىمىي كومىتېتى، ھۆكۈمەت، سىياسىي كېڭەشنىڭ ئالاقىدار رەھبەرلىرى، ئاپتونوم رايونلۇق سوت مەھكىمىسى، تەپتىش مەھكىمىسىدىكى ئاساسلىق مەسئۇل يولداشلار، ئاپتونوم رايون ۋە مەركەزنىڭ شىنجاڭدىكى ئالاقىدار ئورۇنلىرىدىكى مەسئۇل يولداشلار ئاساسىي يىغىن مەيدانىدا يىغىنغا قاتناشتى. ھەرقايسى ۋىلايەت، ئوبلاست، شەھەرلەر، ناھىيە، شەھەر، رايونلار، بىڭتۇەن ئورگىنى ۋە ھەرقايسى شى، شەھەر، تۇەن - مەيدانلاردا شۆبە يىغىن مەيدانى تەسىس قىلىندى.