كۆزىتىش خىزمىتىنىڭ يۇقىرى سۈپەتلىك تەرەققىياتىغا تۈرتكە بولۇپ، كۈچلۈك سىياسىي كۆزىتىش ئارقىلىق جۇڭگوچە زامانىۋىلاشتۇرۇشنىڭ شىنجاڭ ئەمەلىيىتىگە كاپالەتلىك قىلىش كېرەك

چېن شياۋجياڭ 10 - نۆۋەتلىك ئاپتونوم رايونلۇق پارتىيە كومىتېتىنىڭ 8 - نۆۋەتلىك كۆزىتىشكە سەپەرۋەر قىلىش - ئورۇنلاشتۇرما قىلىش يىغىنىدا مۇنداق تەكىتلىدى

كۆزىتىش خىزمىتىنىڭ يۇقىرى سۈپەتلىك تەرەققىياتىغا تۈرتكە بولۇپ، كۈچلۈك سىياسىي كۆزىتىش ئارقىلىق جۇڭگوچە زامانىۋىلاشتۇرۇشنىڭ شىنجاڭ ئەمەلىيىتىگە كاپالەتلىك قىلىش كېرەك

ئەركىن تۇنىياز رىياسەتچىلىك قىلدى، خې جۇڭيوۋ، جاڭ جۇ، چېن مىڭگو قاتناشتى

8 - ئاينىڭ 22 - كۈنى، 10 - نۆۋەتلىك ئاپتونوم رايونلۇق پارتىيە كومىتېتىنىڭ 8 - نۆۋەتلىك كۆزىتىشكە سەپەرۋەر قىلىش - ئورۇنلاشتۇرما قىلىش يىغىنى ئۈرۈمچىدە ئېچىلدى، ئاپتونوم رايونلۇق پارتىيە كومىتېتىنىڭ شۇجىسى چېن شياۋجياڭ يىغىنغا قاتناشتى ھەم سۆز قىلدى. □ ئانار بۇلۇت\شىنجاڭ گېزىتى مۇخبىرى سۈي جىجيەن فوتوسى

شىنجاڭ گېزىتى، ئۈرۈمچى، 8 - ئاينىڭ 22 - كۈنى خەۋىرى ئانار بۇلۇت\شىنجاڭ گېزىتى مۇخبىرى ۋاڭ شىڭرۇي خەۋەر قىلىدۇ: 10 - نۆۋەتلىك ئاپتونوم رايونلۇق پارتىيە كومىتېتىنىڭ 8 - نۆۋەتلىك كۆزىتىشكە سەپەرۋەر قىلىش - ئورۇنلاشتۇرما قىلىش يىغىنى 8 - ئاينىڭ 22 - كۈنى ئېچىلدى، ئاپتونوم رايونلۇق پارتىيە كومىتېتىنىڭ شۇجىسى چېن شياۋجياڭ يىغىنغا قاتناشتى ھەم سۆز قىلدى، ئۇ مۇنداق تەكىتلىدى: باش شۇجى شى جىنپىڭنىڭ پارتىيەنىڭ ئۆزلۈك ئىنقىلابى توغرىسىدىكى مۇھىم ئىدىيەسى ۋە كۆزىتىش خىزمىتى توغرىسىدىكى مۇھىم بايانلىرىنى چوڭقۇر ئۆگىنىپ، ئىزچىللاشتۇرۇپ، 20 - نۆۋەتلىك مەركىزىي ئىنتىزام تەكشۈرۈش كومىتېتى 4 - ئومۇمىي يىغىنى ۋە مەملىكەتلىك كۆزىتىش خىزمىتى يىغىنىنىڭ روھىنى ئىزچىللاشتۇرۇپ، ئەمەلىيلەشتۈرۈپ، يېڭى دەۋردىكى پارتىيەنىڭ شىنجاڭنى ئىدارە قىلىش تەدبىرىنى تولۇق، دەل جايىدا، ئومۇميۈزلۈك ئىزچىللاشتۇرۇپ، كۆزىتىش خىزمىتىنى يۇقىرى سۈپەتلىك قانات يايدۇرۇپ، پارتىيەنى ئومۇميۈزلۈك قاتتىق ئىدارە قىلىشنى چوڭقۇر ئالغا سىلجىتىش، جۇڭگوچە زامانىۋىلاشتۇرۇشنىڭ شىنجاڭ ئەمەلىيىتىنى پۇختا ئالغا سىلجىتىشنى كۈچلۈك كاپالەت بىلەن تەمىنلەش كېرەك.

ئاپتونوم رايونلۇق پارتىيە كومىتېتىنىڭ مۇئاۋىن شۇجىسى، ئاپتونوم رايوننىڭ رەئىسى ئەركىن تۇنىياز يىغىنغا رىياسەتچىلىك قىلدى. ئاپتونوم رايونلۇق پارتىيە كومىتېتىنىڭ مۇئاۋىن شۇجىسى، بىڭتۇەننىڭ جېڭۋېيسى خې جۇڭيوۋ، ئاپتونوم رايونلۇق پارتىيە كومىتېتىنىڭ مۇئاۋىن شۇجىسى جاڭ جۇ، چېن مىڭگو يىغىنغا قاتناشتى.

ئاپتونوم رايونلۇق پارتىيە كومىتېتى دائىمىي كومىتېتىنىڭ ئەزاسى، تەشكىلات بۆلۈمىنىڭ باشلىقى، ئاپتونوم رايونلۇق پارتىيە كومىتېتى كۆزىتىش خىزمىتى رەھبەرلىك گۇرۇپپىسىنىڭ مۇئاۋىن باشلىقى ۋاڭ لىن 10 - نۆۋەتلىك ئاپتونوم رايونلۇق پارتىيە كومىتېتىنىڭ 8 - نۆۋەتلىك كۆزىتىش خىزمىتى ھەرقايسى كۆزىتىش گۇرۇپپىسىنىڭ گۇرۇپپا باشلىقلىرى، مۇئاۋىن گۇرۇپپا باشلىقلىرىغا ھوقۇق بېرىپ ۋەزىپىگە تەيىنلەش ۋە ۋەزىپە تەقسىملەش توغرىسىدىكى قارارنى ئوقۇدى. بۇ نۆۋەتلىك كۆزىتىشتە ئاپتونوم رايوننىڭ تۆت تارمىقى (ئورۇن)، ئاپتونوم رايوننىڭ توققۇز دۆلەت كارخانىسىغا قارىتا دائىملىق كۆزىتىش قانات يايدۇرۇلىدۇ.

چېن شياۋجياڭ مۇنداق كۆرسەتتى: باش شۇجى شى جىنپىڭنىڭ كۆزىتىش خىزمىتى توغرىسىدىكى مۇھىم بايانلىرىنى چوڭقۇر ئۆگىنىپ، ئۆزلەشتۈرۈپ، كۆزىتىش خىزمىتىنىڭ سىياسىي ئورۇن بېكىتمىسىدە چىڭ تۇرۇپ، سىياسىي كۆزىتىش تەلىپىنى دەل جايىدا ئەمەلىيلەشتۈرۈپ، دىققەتنى «ئىككىنى قوغداش» تۈپ ۋەزىپىسىگە مەركەزلەشتۈرۈپ، مەركىزىي خىزمەتنى چۆرىدەش، ئومۇمىيەتكە مۇلازىمەت قىلىشتا چىڭ تۇرۇپ، مەسىلە يۆنىلىشى، قاتتىق بولۇش ئاساسىي رىتىمىدا چىڭ تۇرۇپ، سىستېمىلىق قاراشتا چىڭ تۇرۇپ، ئۇنىۋېرسال نازارەت قىلىش رولىنى جارى قىلدۇرۇپ، ھەقىقەتنى ئەمەلىيەتتىن ئىزدەش، بەلگىلىمە، ئىنتىزام، قانۇن بويىچە ئىش كۆرۈشتە چىڭ تۇرۇپ، كۆزىتىش - نازارەت قىلىشنىڭ چۆچۈتۈش كۈچى، تەسىر كۆرسىتىش كۈچى، تۈرتكىلىك كۈچىنى ئۈزلۈكسىز كۈچەيتىپ، كۆزىتىش خىزمىتىنىڭ يۇقىرى سۈپەتلىك تەرەققىياتىنى ئىلگىرى سۈرۈپ، كۈچلۈك نازارەتچىلىك ئارقىلىق باش شۇجى شى جىنپىڭنىڭ مۇھىم يوليورۇقى، تەستىقىي يوليورۇقىنىڭ روھى ۋە پارتىيە مەركىزىي كومىتېتىنىڭ مۇھىم تەدبىر - ئورۇنلاشتۇرمىلىرىنىڭ جايىدا ئەمەلىيلىشىشىگە كاپالەتلىك قىلىش كېرەك.

چېن شياۋجياڭ مۇنداق تەكىتلىدى: مەۋقەنى كۆزىتىلىدىغان پارتىيە تەشكىلاتلىرىنىڭ فۇنكسىيەلىك مەسئۇلىيىتىگە قويۇپ، يېڭى دەۋردىكى پارتىيەنىڭ شىنجاڭنى ئىدارە قىلىش تەدبىرىنى تولۇق، دەل جايىدا، ئومۇميۈزلۈك ئىزچىللاشتۇرۇش، جۇڭخۇا مىللىتى ئورتاق گەۋدىسى ئېڭىنى مۇستەھكەملەش، خەلق تۇرمۇشىغا زىچ يېقىنلىشىپ يۇقىرى سۈپەتلىك تەرەققىياتقا تۈرتكە بولۇش، پارتىيە قۇرۇلۇشىنى ئومۇميۈزلۈك كۈچەيتىش قاتارلىق خىزمەتلەرنى چۆرىدەپ، نازارەت قىلىشنى دەل جايىدا، ئۈنۈملۈك قانات يايدۇرۇپ، سىياسىي جەھەتتىكى ئېغىشنى كۈچەپ تەكشۈرۈپ تېپىپ، گەۋدىلىك مەسىلىلەرنى ھەل قىلىشقا تۈرتكە بولۇش كېرەك. مەسئۇلىيەتنى ئادا قىلىش، ھوقۇق ئىشلىتىشنى چىڭ كۆزلەپ، رەھبەرلىك بەنزىسى، بولۇپمۇ «بىرىنچى باشلىق»لارغا بولغان نازارەتچىلىكنى كۈچەيتىپ، ھوقۇق مەركەزلەشكەن، مەبلەغ كۆجۈملەشكەن، بايلىق توپلاشقان قاتارلىق نۇقتىلىق ساھەلەرگە بولغان نازارەتچىلىكنى ياخشى تۇتۇپ، تۈزۈلمە - مېخانىزم جەھەتتىن چىرىكلىك پەيدا بولىدىغان تۇپراق ۋە شارائىتنى يوقىتىش كېرەك. دەرھال ھەرىكەتكە كېلىپ دەرھال تۈزىتىش، بىر تەرەپتىن كۆزىتىش، بىر تەرەپتىن تەكشۈرۈشتە چىڭ تۇرۇپ، كۆزىتىش، تۈزىتىش، بىر تەرەپ قىلىشنى ئورگانىك بىرلەشتۈرۈپ، كۆزىتىش مەزگىلىدە ئاممىنىڭ ئىنكاسى كۈچلۈك بولغان گەۋدىلىك مەسىلىلەرنى ھەل قىلىشقا ۋاقتىدا تۈرتكە بولۇپ، ئىنكاس مەركەزلەشكەن مەسىلە يىپ ئۇچىنى بىر تەرەپ قىلىپ، كۆزىتىشنىڭ ئۆتكۈر شەمشەرلىك رولىنى تولۇق نامايان قىلىش كېرەك.

چېن شياۋجياڭ مۇنداق تەكىتلىدى: بىرتۇتاش پىلانلاپ ماسلاشتۇرۇشنى كۈچەيتىپ، كۆڭۈل قويۇپ تەشكىللەپ يولغا قويۇپ، ئوخشاش سوئالغا ئورتاق جاۋاب بېرىشكە ئەھمىيەت بېرىپ، ئىنتىزام ئىستىلىنى چىڭىتىپ، كۆزىتىش ۋەزىپىسىنى ئەستايىدىل پۇختا تاماملاپ، ھەقىقىي تۈردە كۆزىتىش نەتىجىلىرىنى تۈرلۈك خىزمەتلەرنىڭ يۇقىرى سۈپەتلىك تەرەققىياتىدىكى ئەمەلىي ئۈنۈمگە ئايلاندۇرۇش كېرەك.

تيەن شياڭلى، چېن ۋېيجۈن، قادېن كەبىن، ئاپتونوم رايوننىڭ ئالاقىدار رەھبەرلىرى، ئاپتونوم رايونلۇق پارتىيە كومىتېتى كۆزىتىش خىزمىتى رەھبەرلىك گۇرۇپپىسىنىڭ ئەزالىرى، 10 - نۆۋەتلىك ئاپتونوم رايونلۇق پارتىيە كومىتېتىنىڭ 8 - نۆۋەتلىك كۆزىتىش گۇرۇپپىسىنىڭ باشلىقى، مۇئاۋىن گۇرۇپپا باشلىقلىرى ۋە كۆزىتىلىدىغان ئورۇنلار، ئاپتونوم رايوننىڭ ئالاقىدار ئورۇنلىرىدىكى مەسئۇل يولداشلار قاتارلىقلار يىغىنغا قاتناشتى.