يۇقىرى سەۋىيەلىك سىرتقا ئېچىۋېتىشنى كۈچەپ كېڭەيتىپ، يۇقىرى سۈپەتلىك تەرەققىيات داۋامىدا خەلق تۇرمۇشىنى كاپالەتلەندۈرۈش ۋە ياخشىلاش كېرەك

چېن شياۋجياڭ ئىلى ئوبلاستى ۋە بىڭتۇەن كۆكدالا شەھىرىدە تەكشۈرۈپ تەتقىق قىلدى

يۇقىرى سەۋىيەلىك سىرتقا ئېچىۋېتىشنى كۈچەپ كېڭەيتىپ، يۇقىرى سۈپەتلىك تەرەققىيات داۋامىدا خەلق تۇرمۇشىنى كاپالەتلەندۈرۈش ۋە ياخشىلاش كېرەك

8 - ئاينىڭ 5 - كۈنىدىن 6 - كۈنىگىچە، ئاپتونوم رايونلۇق پارتىيە كومىتېتىنىڭ شۇجىسى، بىڭتۇەن پارتىيە كومىتېتىنىڭ 1 - شۇجىسى، 1 - جېڭۋېي چېن شياۋجياڭ ئىلى قازاق ئاپتونوم ئوبلاستى ۋە بىڭتۇەن 4 - شى كۆكدالا شەھىرىدە تەكشۈرۈپ تەتقىق قىلدى. سۈرەتتە: 8 - ئاينىڭ 6 - كۈنى، چېن شياۋجياڭ غۇلجا شەھىرىنىڭ ئالتە شۇئار كوچىسى مەھەللىسىگە كېلىپ، «ئىلىلىقلارنىڭ ئەتكەنچاي يىغىنى»نى ئۆتكۈزۈۋاتقان ھەر مىللەت ئامما بىلەن سەمىمىي پاراڭلاشتى. □ ئانار بۇلۇت\شىنجاڭ گېزىتى مۇخبىرى سۈي جىجيەن فوتوسى

شىنجاڭ گېزىتى، غۇلجا، 8 - ئاينىڭ 6 - كۈنى خەۋىرى ئانار بۇلۇت\شىنجاڭ گېزىتى مۇخبىرى ۋاڭ شىڭرۇي خەۋەر قىلىدۇ: ئاپتونوم رايونلۇق پارتىيە كومىتېتىنىڭ شۇجىسى، بىڭتۇەن پارتىيە كومىتېتىنىڭ 1 - شۇجىسى، 1 - جېڭۋېي چېن شياۋجياڭ 8 - ئاينىڭ 5 - كۈنىدىن 6 - كۈنىگىچە، ئىلى قازاق ئاپتونوم ئوبلاستى ۋە بىڭتۇەن 4 - شى كۆكدالا شەھىرىدە تەكشۈرۈپ تەتقىق قىلدى. ئۇ مۇنداق تەكىتلىدى: باش شۇجى شى جىنپىڭنىڭ شىنجاڭ خىزمىتى توغرىسىدىكى مۇھىم سۆزى، مۇھىم يوليورۇقى، تەستىقىي يوليورۇقىنىڭ روھىنى چوڭقۇر ئۆگىنىپ، ئىنچىكە ئۆزلەشتۈرۈپ، پۇختا ئەمەلىيلەشتۈرۈپ، يېڭى دەۋردىكى پارتىيەنىڭ شىنجاڭنى ئىدارە قىلىش تەدبىرىنى تولۇق، دەل جايىدا، ئومۇميۈزلۈك ئىزچىللاشتۇرۇپ، جۇڭخۇا مىللىتى ئورتاق گەۋدىسى ئېڭىنى مۇستەھكەملەشنى ئاساسىي لىنىيە قىلىشتا چىڭ تۇرۇپ، جەمئىيەت مۇقىملىقى ۋە ئەبەدىي ئەمىنلىك باش نىشانىنى مەھكەم ئىگىلەپ، تىرىشىپ يۇقىرى سەۋىيەلىك ئېچىۋېتىش ئارقىلىق يۇقىرى سۈپەتلىك تەرەققىياتقا تۈرتكە بولۇپ، پۈتۈن يىللىق ئىقتىساد، جەمئىيەت تەرەققىياتى نىشان - ۋەزىپىلىرىنى تىرىشىپ تاماملاش كېرەك.

چېن شياۋجياڭ قورغاس 6 - ئەۋلاد دۆلەت دەرۋازىسىغا كېلىپ، خىزمەت تونۇشتۇرۇشىنى ئاڭلىدى، ئۇ مۇنداق تەكىتلىدى: ئاقىل پورت قۇرۇلۇشىنى سىجىل ئالغا سىلجىتىپ، تاموژنىدىن ئۆتۈشنى قولايلاشتۇرۇش سەۋىيەسىنى ئۆستۈرۈپ، چېگرا بويىدىكى رايونلارنى ئېچىۋېتىش ئېگىزلىكى بەرپا قىلىش كېرەك؛ 4 - شى كۆكدالا شەھىرى 62 - تۇەن چېگرا مۇداپىئە قوماندانلىق مەركىزىدە سىن ئارقىلىق چېگرانى چارلاپ تەكشۈرۈش، مۇداپىئە كۆرۈش ئەمەلىي ئەھۋالىنى كۆردى، غۇلجا شەھىرى دۆلەتباغ كوچىسى ساقچىخانىسىغا بېرىپ جەمئىيەت مۇقىملىقىنى قوغداش ئەھۋالىنى ئىگىلىدى، ئۇ مۇنداق تەكىتلىدى: ئاگاھ سىگنالىنى ئۇزاققىچە ياڭرىتىشنى باشتىن - ئاخىر ساقلاپ، يوشۇرۇن خەۋپ - خەتەرنىڭ ئۈنۈملۈك ئالدىنى ئېلىپ ۋە ئۇنى تۈگىتىپ، چېگرا بىخەتەرلىكى ۋە جەمئىيەت مۇقىملىقىنىڭ پۇختا مۇداپىئە سېپىنى مۇستەھكەملەش كېرەك؛ ئىلى قىممەتلىك مېتال كەسىپلەر باغچىسى، بىيوتېخنىكا كارخانىلىرى ۋە كۆكدالا ئۈستىقۇددۇس مەدەنىيىتى كەسىپلەر باغچىسىدا مۇنداق تەكىتلىدى: ئىشقا ئورۇنلاشتۇرۇشنى ئالدىنقى ئورۇنغا قويۇش يۆنىلىشىدە چىڭ تۇرۇپ، خاس، ئەۋزەل كەسىپلەرنى تېز يېتىلدۈرۈپ ۋە زورايتىپ، تېخىمۇ كۆپ ئاممىنىڭ مۇقىم ئىشقا ئورۇنلىشىپ كىرىمىنى ئاشۇرۇشىغا تۈرتكە بولۇش كېرەك. غۇلجا شەھىرىنىڭ ئالتە شۇئار كوچىسى مەھەللىسىدە، چېن شياۋجياڭ «ئىلىلىقلارنىڭ ئەتكەنچاي يىغىنى»نى ئۆتكۈزۈۋاتقان ھەر مىللەت ئامما بىلەن سەمىمىي پاراڭلاشتى، ئۇ مۇنداق تەكىتلىدى: ئاممىنىڭ ئاساسىي گەۋدىلىك رولىنى تېخىمۇ ياخشى جارى قىلدۇرۇپ، «كۆپچىلىك مەسلىھەتلىشىپ ئىش قىلىش» ئىدىيەسىدە ياخشى چىڭ تۇرۇپ، ئورتاق قۇرىدىغان، ئورتاق ئىدارە قىلىدىغان، ئورتاق بەھرىلىنىدىغان ئاساسىي قاتلامنى ئىدارە قىلىش ئەندىزىسىنى مۇكەممەللەشتۈرۈش كېرەك. چېن شياۋجياڭ يەنە غۇلجا شەھىرىنىڭ كونا شەھەر رايونىنى ئۆزگەرتىش ۋە شەھەر قۇرۇلۇشى خىزمىتى ئەھۋالىنى ئاڭلىدى، ئۇ مۇنداق تەكىتلىدى: يىرىك پىلاننى ئالدىن يولغا قويۇشتا چىڭ تۇرۇپ، ئىچكى ئامىللىق تەرەققىيات يولىدا ياخشى مېڭىپ، خاسلىققا باي زامانىۋىلاشقان خەلقنىڭ شەھىرىنى كۈچەپ بەرپا قىلىش كېرەك.

تەكشۈرۈپ تەتقىق قىلىش جەريانىدا، چېن شياۋجياڭ ئىلى ئوبلاستىنىڭ خىزمەت دوكلاتىنى ئاڭلىدى. ئۇ مۇنداق تەكىتلىدى: جەمئىيەت مۇقىملىقىنى قوغداشنى باشتىن - ئاخىر باش ئورۇنغا قويۇپ، تېررورلۇققا قارشى تۇرۇش، مۇقىملىقنى قوغداشنى قانۇنچىللاشتۇرۇش، دائىملاشتۇرۇشنى پۇختا ئالغا سىلجىتىپ، پورت، چېگرادىكى ئالدىنى ئېلىش - تىزگىنلەشنى كۈچەيتىپ، نۇقتىلىق ساھەلەردىكى بىخەتەر ئىشلەپچىقىرىشنى ياخشى تۇتۇپ، بىخەتەرلىك، مۇقىملىق تۆۋەن چېكىنى پۇختا ساقلاش كېرەك. خەلق تۇرمۇشىغا زىچ يېقىنلىشىپ، يۇقىرى سۈپەتلىك تەرەققىياتقا تۈرتكە بولۇپ، پارتىيە مەركىزىي كومىتېتىنىڭ ھازىرقى ئىقتىسادىي ۋەزىيەت توغرىسىدىكى ئىلمىي ھۆكۈمىنى چوڭقۇر ئىگىلەپ، كېيىنكى يېرىم يىللىق ئىقتىساد خىزمىتىنى ئەستايىدىل ياخشى ئىشلەپ، ئىشقا ئورۇنلىشىشنى مۇقىملاشتۇرۇش، كارخانىنى مۇقىملاشتۇرۇش، بازارنى مۇقىملاشتۇرۇش، كۆزلىمىنى مۇقىملاشتۇرۇشقا كۈچەپ، سىجىل تۈردە سېلىنمىنى تۇتۇپ، ئىستېمالنى ئىلگىرى سۈرۈپ، تاشقى سودىنى مۇقىملاشتۇرۇپ، «15 - بەش يىل»لىق يىرىك پىلاننى ئىلمىي تۈزۈش كېرەك. جۇڭخۇا مىللىتى ئورتاق گەۋدىسى قۇرۇلۇشىنى پۇختا ئالغا سىلجىتىپ، شىنجاڭنى مەدەنىيەت ئارقىلىق ئوزۇقلاندۇرۇشنى چوڭقۇر قانات يايدۇرۇپ، تارىخىي مەدەنىيەت مىراسلىرىنى قوغداش ۋە ئۇنىڭدىن پايدىلىنىش خىزمىتىنى ياخشى ئىشلەپ، دۆلەت ئورتاق تىل - يېزىقى مائارىپىنى كۈچەيتىپ، ھەر مىللەت ئاممىنىڭ «بەشنى قەلبتىن ئېتىراپ قىلىش»ىنى ئۈزلۈكسىز كۈچەيتىش كېرەك. دۆلىتىمىزدە دىننى جۇڭگوچىلاشتۇرۇش يۆنىلىشىدە مەھكەم چىڭ تۇرۇپ، دىن ئىشلىرىنى ئىدارە قىلىشنى قانۇنچىللاشتۇرۇش سەۋىيەسىنى ئۆستۈرۈپ، دىنغا ئېتىقاد قىلىدىغان ئاممىنى دىنىي پائالىيەتلەرگە قانۇن بويىچە تەرتىپلىك قاتنىشىشقا يېتەكلەش كېرەك. يۇقىرى سەۋىيەلىك سىرتقا ئېچىۋېتىشنى سىجىل كېڭەيتىپ، «بىر بەلباغ، بىر يول»نى ئورتاق بەرپا قىلىشقا پائال سىڭىشىپ، سىرتقا ئېچىۋېتىش داغدام يولىنى راۋانلاشتۇرۇپ، پورت ئىقتىسادىنى زور كۈچ بىلەن تەرەققىي قىلدۇرۇپ، ئىمپورت - ئېكسپورت سودا كۆلىمىنى پۇختا قەدەمدە كېڭەيتىش كېرەك. پارتىيەنى ئومۇميۈزلۈك قاتتىق ئىدارە قىلىشنى چوڭقۇر ئالغا سىلجىتىپ، مەركەزنىڭ سەككىز تۈرلۈك بەلگىلىمىسىنىڭ روھىنى چوڭقۇر ئىزچىللاشتۇرۇش ئۆگىنىش - تەربىيەسى نەتىجىلىرىدىن ياخشى پايدىلىنىپ، ئىستىلنى توغرىلاش، ئىنتىزامنى چىڭىتىشنى ۋە چىرىكلىككە قارشى تۇرۇشنى ئۇزاققىچە داۋاملاشتۇرۇپ، توغرا سىياسىي نەتىجە قارىشىنى تۇرغۇزۇپ ۋە ئەمەلدە كۆرسىتىپ، ئۆزىگە قاتتىق تەلەپ قويۇپ، مەسئۇلىيىتىنى قاتتىق ئادا قىلىپ، تەۋەلىكنى قاتتىق باشقۇرۇپ، يېڭى مۇساپىدە جاسارەت بىلەن گۈزەل شىنجاڭ قۇرۇپ چىقىش كېرەك.

قادېن كەبىن، جۇ لىفەن، ليۇ جيەنمىڭ، ياڭ شيۇلى تەكشۈرۈپ تەتقىق قىلىشقا قاتناشتى.