ئاپتونوم رايونلۇق پارتىيە كومىتېتى دائىمىي كومىتېتى يىغىن ئاچتى
باش شۇجى شى جىنپىڭنىڭ مۇھىم سۆزىنىڭ روھى ئۆگىنىلدى، ئىزچىللاشتۇرۇلدى
ئىقتىسادنىڭ ئايلىنىشى، قانۇن يۈرگۈزۈش، سوت قىلىش، جىددىي ئىشلارغا تاقابىل تۇرۇش - باشقۇرۇش، رەقەملىك شىنجاڭ قۇرۇلۇشى خىزمىتى مۇھاكىمە قىلىندى
چېن شياۋجياڭ يىغىنغا رىياسەتچىلىك قىلدى
شىنجاڭ گېزىتى، ئۈرۈمچى، 8 - ئاينىڭ 21 - كۈنى خەۋىرى ئانار بۇلۇت\شىنجاڭ گېزىتى مۇخبىرى ۋاڭ شىڭرۇي خەۋەر قىلىدۇ: ئاپتونوم رايونلۇق پارتىيە كومىتېتى دائىمىي كومىتېتى 8 - ئاينىڭ 21 - كۈنى چۈشتىن بۇرۇن يىغىن ئاچتى. ئاپتونوم رايونلۇق پارتىيە كومىتېتىنىڭ شۇجىسى چېن شياۋجياڭ يىغىنغا رىياسەتچىلىك قىلدى.
يىغىندا باش شۇجى شى جىنپىڭنىڭ مەركەز ۋەكىللەر ئۆمىكىنى باشلاپ شىزاڭ ئاپتونوم رايونى قۇرۇلغانلىقىنىڭ 60 يىللىقىنى تەبرىكلەش پائالىيىتىگە قاتناشقاندا قىلغان مۇھىم سۆزىنىڭ روھى يەتكۈزۈلدى، ئۆگىنىلدى ھەم مۇنداق تەكىتلەندى: بۇ يىل شىنجاڭ ئۇيغۇر ئاپتونوم رايونى قۇرۇلغانلىقىنىڭ 70 يىللىقى، يېڭى دەۋردىكى پارتىيەنىڭ شىنجاڭنى ئىدارە قىلىش تەدبىرىنى تولۇق، دەل جايىدا، ئومۇميۈزلۈك ئىزچىللاشتۇرۇپ، جۇڭخۇا مىللىتى ئورتاق گەۋدىسى ئېڭىنى مۇستەھكەملەش ئاساسىي لىنىيەسىنى چۆرىدەپ، دىققەتنى جەمئىيەت مۇقىملىقى ۋە ئەبەدىي ئەمىنلىك باش نىشانىغا مەركەزلەشتۈرۈپ، «بەش چوڭ ئىستراتېگىيەلىك ئورۇن بېكىتمىسى»نى چىڭ كۆزلەپ، ئىسلاھات، تەرەققىيات، مۇقىملىققا دائىر تۈرلۈك خىزمەتلەرنى پۇختا ياخشى ئىشلەپ، ئاپتونوم رايون قۇرۇلغان 70 يىلدىن بۇيانقى شانلىق مۇۋەپپەقىيەتلەرنى كەڭ تەشۋىق قىلىپ، تىنچ - ئىناق، داغدۇغىلىق، قىزغىن قويۇق كەيپىيات يارىتىش كېرەك.
يىغىندا گوۋۇيۈەننىڭ 9 - قېتىملىق ئومۇمىي يىغىنىنىڭ ئورۇنلاشتۇرمىسى، ئورۇنلاشتۇرۇشى يەتكۈزۈلدى، ئىزچىللاشتۇرۇلدى ھەم مۇنداق تەكىتلەندى: ئىدىيە ۋە ھەرىكەتنى پارتىيە مەركىزىي كومىتېتىنىڭ ۋەزىيەت توغرىسىدىكى ئىلمىي ھۆكۈمى ۋە تەدبىر - ئورۇنلاشتۇرمىلىرىغا بىرلىككە كەلتۈرۈپ، مۇقىملىق ئاساسىدا ئىلگىرىلەش خىزمەت باش رىتىمىدا چىڭ تۇرۇپ، يېڭى تەرەققىيات ئىدىيەسىنى تولۇق، دەل جايىدا، ئومۇميۈزلۈك ئىزچىللاشتۇرۇپ، ئۈنۈملۈك سېلىنمىنى پائال كېڭەيتىپ، ئىستېمال يوشۇرۇن كۈچىنى سىجىل قوزغىتىپ، يۇقىرى سەۋىيەلىك سىرتقا ئېچىۋېتىشنى ئالغا سىلجىتىپ، تېخىمۇ زور سالماق بىلەن مۇقىم ئىشقا ئورۇنلاشتۇرۇش ئارقىلىق خەلق تۇرمۇشىغا كاپالەتلىك قىلىپ، مەمۇرىيەت ئۈنۈمى قۇرۇلۇشىنى كۈچەيتىپ، پۈتۈن يىللىق ئىقتىساد، جەمئىيەت تەرەققىياتى نىشان - ۋەزىپىلىرىنى تاماملاشقا ھەقىقىي كاپالەتلىك قىلىپ، «14 - بەش يىل»نى مۇۋەپپەقىيەتلىك تاماملاشنى ئىشقا ئاشۇرۇش كېرەك.
يىغىندا «جۇڭگو كوممۇنىستىك پارتىيەسى مەركىزىي كومىتېتىنىڭ يېڭى دەۋر سوت قىلىش خىزمىتىنى كۈچەيتىش توغرىسىدىكى پىكرى»نى ئىزچىللاشتۇرۇش تەدبىرلىرى مۇھاكىمە قىلىندى ھەم مۇنداق تەكىتلەندى: پارتىيەنىڭ سوت قىلىش خىزمىتىگە بولغان رەھبەرلىكىدە چىڭ تۇرۇپ، قانۇننى قاتتىق، ئادىل يۈرگۈزۈشنى پۇختا ئالغا سىلجىتىپ، دۆلەت خەۋپسىزلىكى ۋە جەمئىيەت مۇقىملىقىنى كۈچلۈك قوغداپ، ئىقتىساد، جەمئىيەتنىڭ يۇقىرى سۈپەتلىك تەرەققىياتىنى قوغداپ، قانۇن يۈرگۈزۈش تۈزۈلمە ئىسلاھاتىنى چوڭقۇرلاشتۇرۇپ، رەقەملىك سوت مەھكىمىسى قۇرۇلۇشىنى ئالغا سىلجىتىپ، تىرىشىپ خەلق ئاممىسىنى ھەربىر قانۇن يۈرگۈزۈش دېلوسىدىن ئادىللىق، ھەققانىيلىقنى ھېس قىلىش ئىمكانىيىتىگە ئىگە قىلىش كېرەك.
يىغىندا ئاپتونوم رايوننىڭ تاسادىپىي ۋەقەلەرگە جىددىي تاقابىل تۇرۇش ئومۇمىي لايىھەسى مۇھاكىمە قىلىندى ۋە قاراپ چىقىلدى ھەم مۇنداق تەكىتلەندى: تۆۋەن چەك تەپەككۇرى، ئاخىرقى چەك تەپەككۇرىنى پۇختا تۇرغۇزۇپ، دىققەتنى تەبىئىي ئاپەت، ۋەقە - ئاپەت، ئاممىۋى سەھىيە، جەمئىيەت بىخەتەرلىكى قاتارلىق نۇقتىلىق ساھەلەرگە مەركەزلەشتۈرۈپ، جىددىي تاقابىل تۇرۇش لايىھەسى سىستېمىسىنى سىجىل مۇكەممەللەشتۈرۈپ، ھەرقايسى تەرەپلەرنىڭ مەسئۇلىيىتىنى چىڭىتىپ، پۇختىلاپ، زور خەۋپ - خەتەرنىڭ ئالدىنى ئېلىش - تۈگىتىش ۋە تاسادىپىي ۋەقەلەرگە تاقابىل تۇرۇش - بىر تەرەپ قىلىش ئىقتىدارىنى ئومۇميۈزلۈك ئۆستۈرۈپ، خەلق ئاممىسىنىڭ ھاياتى ۋە مال - مۈلۈك بىخەتەرلىكىگە ھەقىقىي كاپالەتلىك قىلىش كېرەك.
يىغىندا رەقەملىك شىنجاڭ قۇرۇلۇشىغا ئالاقىدار لايىھە قاراپ چىقىلدى ھەم مۇنداق تەكىتلەندى: يۇقىرى قاتلامدىن لايىھەلەش ۋە بىرتۇتاش پىلانلاشنى كۈچەيتىپ، رەقەملەشتۈرۈش ئاساسىنى كۈچلۈك قۇرۇپ، رەقەملىك ھۆكۈمەت قۇرۇلۇشىنى سىجىل ئالغا سىلجىتىپ، رەقەملىك ئىقتىساد بىلەن ئەمەلىي ئىقتىسادنىڭ چوڭقۇر يۇغۇرۇلۇشىنى ئىلگىرى سۈرۈپ، خەلققە قولايلىق يارىتىش، كارخانىلارغا نەپ يەتكۈزۈش مۇلازىمەت سەۋىيەسىنى كۈچەپ ئۆستۈرۈپ، سانلىق مەلۇمات بىخەتەرلىكى مۇداپىئە سېپىنى مۇستەھكەملەپ، شىنجاڭنىڭ يۇقىرى سۈپەتلىك تەرەققىياتى ۋە يۇقىرى ئۈنۈملۈك ئىدارە قىلىشىنى كۈچلۈك تىرەك بىلەن تەمىنلەش كېرەك.
يىغىندا يەنە باشقا ئىشلار مۇھاكىمە قىلىندى.