شىنجاڭ گېزىتى خەۋىرى ئاپتونوم رايونلۇق پارتىيە كومىتېتىنىڭ ئورۇنلاشتۇرمىسىغا ئاساسەن، 10 - نۆۋەتلىك ئاپتونوم رايونلۇق پارتىيە كومىتېتىنىڭ 7 - نۆۋەتلىك كۆزىتىشىدە قايتما ئىنكاس قىلىش خىزمىتى يېقىندا تولۇق تاماملاندى. بۇ نۆۋەتلىك كۆزىتىشتىكى قايتما ئىنكاس قىلىش مەركەزلىك قايتما ئىنكاس قىلىش ۋە كۆزىتىش گۇرۇپپىسى «بىرگە بىر» قايتما ئىنكاس قىلىشنى بىرلەشتۈرۈش ئۇسۇلى قوللىنىلىپ ئېلىپ بېرىلدى.
مەركەزلىك قايتما ئىنكاس قىلىش يىغىنىدا كۆزىتىشتە بايقالغان گەۋدىلىك مەسىلىلەر ئومۇمىي ئۇقتۇرۇش قىلىنىپ، كۆزىتىشكە ئاساسەن تۈزىتىشنى ياخشى تۇتۇش توغرىسىدا ئورۇنلاشتۇرما قىلىندى. ئاپتونوم رايونلۇق پارتىيە كومىتېتىنىڭ شۇجىسى چېن شياۋجياڭ يىغىنغا قاتناشتى ھەم سۆز قىلدى. ئاپتونوم رايونلۇق پارتىيە كومىتېتىنىڭ مۇئاۋىن شۇجىسى، ئاپتونوم رايوننىڭ رەئىسى ئەركىن تۇنىياز يىغىنغا رىياسەتچىلىك قىلدى. ئاپتونوم رايونلۇق پارتىيە كومىتېتىنىڭ 13 كۆزىتىش گۇرۇپپىسى ئايرىم - ئايرىم بۇ نۆۋەت كۆزىتىلگەن ئاپتونوم رايونغا بىۋاسىتە قاراشلىق 27 تارماق (ئورۇن)، ئاپتونوم رايون باشقۇرۇشىدىكى ئالىي مەكتەپلەرگە كۆزىتىش ئەھۋالىنى «بىرگە بىر» قايتما ئىنكاس قىلدى.
قايتما ئىنكاس قىلىشتا مۇنداق تەكىتلەندى: باش شۇجى شى جىنپىڭنىڭ كۆزىتىش خىزمىتى توغرىسىدىكى مۇھىم بايانلىرى ۋە پارتىيە مەركىزىي كومىتېتى، ئاپتونوم رايونلۇق پارتىيە كومىتېتىنىڭ ئالاقىدار ئورۇنلاشتۇرما تەلىپىنى چوڭقۇر ئۆگىنىپ، ئىزچىللاشتۇرۇپ، پارتىيە ئىشلىرىغا يۈكسەك مەسئۇل بولۇش، تەشكىلگە يۈكسەك مەسئۇل بولۇش، كادىرلار، ئاممىغا يۈكسەك مەسئۇل بولۇش پوزىتسىيەسى بىلەن، كۆزىتىشتە بايقالغان مەسىلىلەرنى ھەقىقىي تۈزىتىش، ئەمەلىي تۈزىتىشكە تۈرتكە بولۇش كېرەك. ئۆزىگە تەتبىقلاش، مەسئۇلىيىتىگە تەتبىقلاش، خىزمىتىگە تەتبىقلاشتا چىڭ تۇرۇپ، كۆزىتىشتە كۆرسىتىلگەن مەسىلىلەرنى ھەقىقىي تونۇپ، ھەقىقىي ئويلىنىپ، بىرنى بىلىش ئارقىلىق باشقىلىرىنىمۇ بىلىپ، ئومۇميۈزلۈك تۈزىتىش كېرەك. پىچاق بىسىنى ئۆزىگە قارىتىش، كېسەللىك تۈگۈنىنى دەل جايىدا تېپىش، مەنبەنى چوڭقۇر قېزىش، كېسەلگە قاراپ دورا بېرىشتە چىڭ تۇرۇپ، مەسىلىنى يىلتىزىدىن ھەقىقىي ھەل قىلىپ، كۆزىتىش ئارقىلىق تۈزىتىشنى ئىلگىرى سۈرۈش، كۆزىتىش ئارقىلىق قائىدە - تۈزۈم ئورنىتىشنى ئىلگىرى سۈرۈش، كۆزىتىش ئارقىلىق تۈزەشنى ئىلگىرى سۈرۈشنى ھەقىقىي ئىشقا ئاشۇرۇش كېرەك. مەسئۇلىيەتنى چىڭىتىپ، كۆزىتىلىدىغان پارتىيە تەشكىلاتلىرىنىڭ ئاساسلىق رەھبەرلىرى ئومۇمىي مەسئۇلىيەتنى زىممىگە ئېلىپ، باشلامچىلىق بىلەن نۇقتىلىق، قىيىن ئىشلارنى يېتەكچىلىك قىلىپ بېجىرىپ، بەنزىدىكى باشقا ئەزالارنىڭ «بىر ئىش ئورنى، قوش مەسئۇلىيەت»نى ئەستايىدىل ئادا قىلىشىغا ئۈلگە كۆرسىتىپ تۈرتكە بولۇپ، ھەقىقىي تۈردە تۈزىتىش خىزمىتىنى كۈندىلىك تۇرمۇشقا سىڭدۈرۈش، دائىم تۇتۇش كېرەك؛ ئىنتىزام تەكشۈرۈش، رېۋىزىيە ئورگانلىرى ۋە تەشكىلات تارماقلىرى كۈندىلىك نازارەتچىلىكنى كۈچەيتىپ، تۈزىتىش تەدبىرلىرىنى ئەمەلىيلەشتۈرمىگەن، يېرىم - يارتا ئىش قىلغان، ئۆزگەرتىۋەتكەنلەرنىڭ جاۋابكارلىقىنى قاتتىق سۈرۈشتۈرۈشى كېرەك؛ كۆزىتىش ئاپپاراتلىرى كۆزىتىش نەتىجىلىرىدىن ئۇنىۋېرسال پايدىلىنىشنى كۈچەيتىپ، كۆزىتىشتە بايقالغان ئومۇمىيلىققا ئىگە، خاھىش خاراكتېرلىك ۋە تۈزۈلمە - مېخانىزم جەھەتتىكى مەسىلىلەرگە قارىتا، ئالاقىدار تارماقلارنىڭ نازارەت قىلىش - باشقۇرۇشنى كۈچەيتىشى، تۈزۈمنى تاكامۇللاشتۇرۇشى، ئىسلاھاتنى چوڭقۇرلاشتۇرۇشىغا تۈرتكە بولۇشى كېرەك. سىستېمىلار بىلەن رايونلارنى بىرلەشتۈرۈش، ماسلىشىپ ھەمتۈرتكە بولۇش، ئوخشاش سوئالغا ئورتاق جاۋاب بېرىشتە چىڭ تۇرۇپ، تۈزىتىش بىرىكمە كۈچىنى مۇجەسسەملەپ، جاھىل ئۆسمىنى ئوپېراتسىيە قىلىپ ئېلىۋېتىشكە جۈرئەت قىلىپ، مۇقىملىق ئاساسىدا ئىلگىرىلەش بىلەن ئىسلاھاتتا يېڭىلىق يارىتىشنى، كۈچلۈك ھادىسىدىن تۈزەش بىلەن ئۇزاق ئۈنۈملۈك ماھىيەتتىن تۈزەشنى بىرلەشتۈرۈپ، تۈزىتىش ۋەزىپىسىنى يۇقىرى سۈپەتلىك، يۇقىرى ئۈنۈملۈك تاماملاشقا ھەقىقىي كاپالەتلىك قىلىش كېرەك.
ئىگىلىنىشىچە، ئاپتونوم رايونلۇق پارتىيە كومىتېتى كۆزىتىش گۇرۇپپىسى يەنە بەزى رەھبىرىي كادىرلارنىڭ مەسىلىسى ئىنكاس قىلىنغان يىپ ئۇچىنى تاپشۇرۇۋالغان بولۇپ، ئالاقىدار بەلگىلىمىلەر بويىچە ئاپتونوم رايونلۇق ئىنتىزام تەكشۈرۈش كومىتېتى، رېۋىزىيە كومىتېتى، ئاپتونوم رايونلۇق پارتىيە كومىتېتى تەشكىلات بۆلۈمى قاتارلىق ئالاقىدار تەرەپلەرنىڭ بىر تەرەپ قىلىشىغا يوللاپ بەرگەن.