بەش تۈرلۈك سىياسىي كېڭەش خىزمەت تۈزۈمى قاراپ چىقىپ ماقۇللاندى
شىنجاڭ گېزىتى، ئۈرۈمچى، 8 - ئاينىڭ 15 - كۈنى خەۋىرى ئانار بۇلۇت\شىنجاڭ گېزىتى مۇخبىرى جاڭ يەنفاڭ خەۋەر قىلىدۇ: 8 - ئاينىڭ 15 - كۈنى، ئاپتونوم رايونلۇق سىياسىي كېڭەش 13 - نۆۋەتلىك كومىتېتىنىڭ 38 - قېتىملىق رەئىسلەر يىغىنى ئېچىلدى، يىغىندا باش شۇجى شى جىنپىڭنىڭ يېقىنقى مەزگىلدىكى مۇھىم سۆزى ۋە مۇھىم يوليورۇقىنىڭ روھى يەتكۈزۈلدى، ئۆگىنىلدى، ئىزچىللاشتۇرۇلدى، ئالاقىدار تۈزۈملەر قاراپ چىقىپ ماقۇللاندى. ئاپتونوم رايونلۇق سىياسىي كېڭەشنىڭ رەئىسى نۇرلان ئەبىلمەجىن يىغىنغا رىياسەتچىلىك قىلدى ھەم سۆز قىلدى.
نۇرلان ئەبىلمەجىن مۇنداق تەكىتلىدى: «ئىككىنى تىكلەش»نىڭ ھەل قىلغۇچ ئەھمىيىتىنى چوڭقۇر ئۆزلەشتۈرۈپ، «ئىككىنى قوغداش»نى قەتئىي ئىشقا ئاشۇرۇپ، ھەقىقىي تۈردە ئىدىيە ۋە ھەرىكەتنى باش شۇجى شى جىنپىڭنىڭ مۇھىم سۆزىنىڭ روھى ۋە پارتىيە مەركىزىي كومىتېتىنىڭ تەدبىر - ئورۇنلاشتۇرمىلىرىغا بىرلىككە كەلتۈرۈش كېرەك. يېڭى دەۋردىكى پارتىيەنىڭ شىنجاڭنى ئىدارە قىلىش تەدبىرىنى تولۇق، دەل جايىدا، ئومۇميۈزلۈك ئىزچىللاشتۇرۇپ، «بەش چوڭ ئىستراتېگىيەلىك ئورۇن بېكىتمىسى»نى چىڭ كۆزلەپ، ئاپتونوم رايونلۇق پارتىيە كومىتېتىنىڭ ئورۇنلاشتۇرما تەلىپى بويىچە، ئىقتىساد، جەمئىيەت تەرەققىياتىدىكى مۇھىم نۇقتا، قىيىن نۇقتا مەسىلىلىرىنى زىچ چۆرىدەپ، چوڭقۇر تەكشۈرۈپ تەتقىق قىلىپ، ھاكىمىيەت ئىشلىرىنى مۇھاكىمە قىلىپ، ئالدىن كۆرەرلىككە، مەشغۇلاتچانلىققا ئىگە تېخىمۇ كۆپ پىكىر - تەكلىپنى ئوتتۇرىغا قويۇش كېرەك. «مەن <15 - بەش يىل>لىق يىرىك پىلان ئۈچۈن ياخشى چارىلەرنى كۆرسىتىمەن» پائالىيىتىنى چوڭقۇر قانات يايدۇرۇپ، كۆپ خىل شەكىلدە جەمئىيەتنىڭ ئارزۇسى، ئاممىنىڭ ئەقىل - پاراسىتى، مۇتەخەسسىسلەرنىڭ پىكرى ۋە ئاساسىي قاتلامنىڭ تەجرىبىلىرىنى توپلاپ، ئاپتونوم رايوننىڭ «15 - بەش يىل»لىق يىرىك پىلاننى ئىلمىي تۈزۈشىگە كۈچ قوشۇش كېرەك. باش شۇجى شى جىنپىڭنىڭ ھەرقايسى دېموكراتىك پارتىيە - گۇرۇھلار، مەملىكەتلىك سودا - سانائەتچىلەر بىرلەشمىسى ۋە پارتىيەسىز - گۇرۇھسىز زاتلارغا قويغان ئىككى تۈرلۈك ئۈمىدىنى چوڭقۇر ئىزچىللاشتۇرۇپ، ئەمەلىيلەشتۈرۈپ، سىياسىي كېڭەشنىڭ ئەۋزەللىكى، رولىنى جارى قىلدۇرۇپ، ئۇلارنىڭ سىياسىي كېڭەشتە مەسئۇلىيىتىنى ئادا قىلىشىغا سىجىل سۇپا ھازىرلاپ، شارائىت يارىتىپ، جۇڭگوچە زامانىۋىلاشتۇرۇشنىڭ شىنجاڭ ئەمەلىيىتىنى قەلب ۋە كۈچنى مۇجەسسەملەپ ئالغا سىلجىتىش كېرەك.
نۇرلان ئەبىلمەجىن مۇنداق تەكىتلىدى: سىياسىي كېڭەشنىڭ تۈزۈم - مېخانىزمىنى مۇكەممەللەشتۈرۈش مەخسۇس كېڭىشىش ئاپپاراتلىرىنى تۈزۈملەشتۈرۈش، قېلىپلاشتۇرۇش، تەرتىپلەشتۈرۈش قۇرۇلۇشىنى ئالغا سىلجىتىشتىكى ئەمەلىي تەدبىر. ئاپتونوم رايونلۇق سىياسىي كېڭەش 13 - نۆۋەتلىك كومىتېتى 1 - يىغىنىدىن بۇيان، 30 نەچچە تۈرلۈك تۈزۈم - مېخانىزم تۈزۈلدى ۋە ئۆزگەرتىلدى. تۈزۈمنى «بىكار قىلىش، ئۆزگەرتىش، ئورنىتىش» خىزمىتىنى داۋاملىق ياخشى تۇتۇپ، تۈزۈمنىڭ ئومۇمىي لايىھەسى ۋە ئەمەلىيەت يۆنىلىشىگە ئەھمىيەت بېرىپ، ئەمەلىيەت داۋامىدىكى يېڭىلىق يارىتىش تەدبىرلىرىنى ۋاقتىدا يەكۈنلەپ، تەرتىپى قېلىپلاشقان، مۇناسىۋىتى راۋان، يۈرۈشۈشى ئۈنۈملۈك تۈزۈم سىستېمىسىنى تەدرىجىي بەرپا قىلىپ، تۈزۈم - مېخانىزم قۇرۇلۇشى ئارقىلىق سىياسىي مەسلىھەت كېڭىشى ئىشلىرىنىڭ ئىجادىي تەرەققىياتىغا تۈرتكە بولۇش كېرەك.
يىغىندا، ئاپتونوم رايونلۇق سىياسىي كېڭەشنىڭ «ئەزالار مەسئۇلىيەتنى ئادا قىلىش بويىچە <خەلق ئۈچۈن خىزمەت قىلىش> پائالىيىتىنى چوڭقۇر قانات يايدۇرۇش توغرىسىدىكى پىكىر» «ئەزالار ساھەلەر بويىچە ئامما بىلەن ئالاقە باغلاش تۈزۈم - مېخانىزمىنى مۇكەممەللەشتۈرۈش توغرىسىدىكى پىكىر» «مەخسۇس كومىتېتلارنىڭ ئۇللۇق رولىنى يەنىمۇ جارى قىلدۇرۇش توغرىسىدىكى پىكىر» «ھەرقايسى دېموكراتىك پارتىيە - گۇرۇھلارنىڭ شىنجاڭ رايونلۇق كومىتېتلىرى ئاپتونوم رايونلۇق سودا - سانائەتچىلەر بىرلەشمىسى بىلەن بولغان ئالاقىنى يەنىمۇ كۈچەيتىش توغرىسىدىكى پىكىر» ۋە «ساھەلەر پائالىيەت چارىسى»دىن ئىبارەت بەش تۈرلۈك تۈزۈم قاراپ چىقىپ ماقۇللاندى.
جارۇللا ھېسامىدىن، كۇڭ شىڭلۇڭ، ياڭ يۇڭ، نۇرۇم ئىسمايىلقان، ئېزىز مۇسا، پۇ شۆمېي، شۈ شيەنيى، ھەسەنجان ئەخمەت، باتۇ، رېن چېڭ يىغىنغا قاتناشتى.