چېن شياۋجياڭ ئالتاي ۋىلايىتى ۋە بىڭتۇەننىڭ بېيتۈن شەھىرىدە تەكشۈرۈپ تەتقىق قىلدى
يۇقىرى سۈپەتلىك تەرەققىيات بىلەن يۇقىرى سەۋىيەلىك قوغداشنى بىرتۇتاش پىلانلاپ ئالغا سىلجىتىپ، ھەر مىللەت ئاممىنىڭ خەلق تۇرمۇشى بەخت - سائادىتىنى ئۈزلۈكسىز ئاشۇرۇش كېرەك
8 - ئاينىڭ 18 - كۈنىدىن 20 - كۈنىگىچە، ئاپتونوم رايونلۇق پارتىيە كومىتېتىنىڭ شۇجىسى، بىڭتۇەن پارتىيە كومىتېتىنىڭ 1 - شۇجىسى، 1 - جېڭۋېي چېن شياۋجياڭ ئالتاي ۋىلايىتى ۋە بىڭتۇەن 10 - شى بېيتۈن شەھىرىدە تەكشۈرۈپ تەتقىق قىلدى. سۈرەتتە: 8 - ئاينىڭ 19 - كۈنى، چېن شياۋجياڭ ئالتاي شەھىرىنىڭ لاستى يېزىسى لاستى كەنتىنىڭ پارتىيە ئەزالىرى - ئامما مۇلازىمەت مەركىزى غەيرىي ماددىي مەدەنىيەت مىراسلىرى قول ھۈنەرۋەنخانىسىغا كېلىپ، يېزا ئىگىلىكى، مەدەنىيەت، ساياھەتنى يۇغۇرۇش ئارقىلىق ئاممىنىڭ كىرىمىنى ئاشۇرۇپ بېيىشىغا تۈرتكە بولۇش قاتارلىق ئەھۋاللارنى ئىگىلىمەكتە. □ ئانار بۇلۇت\شىنجاڭ گېزىتى مۇخبىرى سۈي جىجيەن فوتوسى
شىنجاڭ گېزىتى، ئالتاي، 8 - ئاينىڭ 20 - كۈنى خەۋىرى ئانار بۇلۇت\شىنجاڭ گېزىتى مۇخبىرى ۋاڭ شىڭرۇي خەۋەر قىلىدۇ: ئاپتونوم رايونلۇق پارتىيە كومىتېتىنىڭ شۇجىسى، بىڭتۇەن پارتىيە كومىتېتىنىڭ 1 - شۇجىسى، 1 - جېڭۋېي چېن شياۋجياڭ 8 - ئاينىڭ 18 - كۈنىدىن 20 - كۈنىگىچە ئالتاي ۋىلايىتى ۋە بىڭتۇەن 10 - شى بېيتۈن شەھىرىدە تەكشۈرۈپ تەتقىق قىلدى. ئۇ مۇنداق تەكىتلىدى: باش شۇجى شى جىنپىڭنىڭ شىنجاڭ خىزمىتى توغرىسىدىكى مۇھىم سۆزى، مۇھىم يوليورۇقى، تەستىقىي يوليورۇقىنىڭ روھىنى چوڭقۇر ئۆگىنىپ، ئىزچىللاشتۇرۇپ، يېڭى دەۋردىكى پارتىيەنىڭ شىنجاڭنى ئىدارە قىلىش تەدبىرىنى تولۇق، دەل جايىدا، ئومۇميۈزلۈك ئىزچىللاشتۇرۇپ، جەمئىيەت مۇقىملىقى ۋە ئەبەدىي ئەمىنلىك باش نىشانىنى مەھكەم ئىگىلەپ، جۇڭخۇا مىللىتى ئورتاق گەۋدىسى ئېڭىنى مۇستەھكەملەشنى ئاساسىي لىنىيە قىلىشتا چىڭ تۇرۇپ، يۇقىرى سۈپەتلىك تەرەققىيات بىلەن يۇقىرى سەۋىيەلىك قوغداشنى بىرتۇتاش پىلانلاپ ئالغا سىلجىتىپ، ھەر مىللەت ئاممىنىڭ خەلق تۇرمۇشى بەخت - سائادىتىنى ئۈزلۈكسىز ئاشۇرۇش كېرەك.
چېن شياۋجياڭ بۇرچىن ناھىيەسى زالات يېزا - كەنت ساياھەت كەسپى ھەمكارلىق كوپىراتىپى، جياڭجۈن تېغى خەلقئارا قار تېيىلىش ئىستىراھەت رايونى، قاناس مەنزىرە رايونى قاتارلىق جايلارغا بېرىپ، ئېكولوگىيەنى قوغداش ۋە مەدەنىيەت - ساياھەتنى تەرەققىي قىلدۇرۇش ئەھۋالىنى چوڭقۇر ئىگىلەپ، ئاساسىي قاتلام كادىرلىرى ۋە تىجارەتچىلەر بىلەن پىكىر ئالماشتۇرۇپ، ئالتاينىڭ خاس ئەۋزەللىكىنى جارى قىلدۇرۇپ، ساياھەت كەسىپ ھالىتىنى ئۈزلۈكسىز بېيىتىپ، ھەرقايسى مىللەتلەرنىڭ ئارىلىشىشى، ئالماشتۇرۇشى، يۇغۇرۇلۇشىنى ئىلگىرى سۈرۈپ، ھەر مىللەت ئاممىنىڭ ئىشقا ئورۇنلىشىپ كىرىمىنى ئاشۇرۇشىغا تۈرتكە بولۇپ، بىخەتەرلىك تۆۋەن چېكىنى چىڭ ساقلاپ، پۇختا ساقلاپ، «مېنىڭ ئالتىيىم» قىزغىنلىقىنى سۇسلاشتۇرۇپ قويماسلىقنى تەكىتلىدى؛ قاناس چېگرا ساقچىخانىسىغا بېرىپ ئاساسىي قاتلام خەلق ساقچىلىرىنى يوقلاپ، كۆپچىلىكنى سادىقلىق بىلەن مەسئۇلىيىتىنى ئادا قىلىپ، ۋەتەننىڭ ياخشى چېگرا قوغدىغۇچىلىرىدىن بولۇشقا ئىلھاملاندۇردى؛ ئالتاي شەھىرىنىڭ لاستى يېزىسى لاستى كەنتى پارتىيە ئەزالىرى - ئامما مۇلازىمەت مەركىزىدە ئاساسىي قاتلام پارتىيە تەشكىلاتلىرىنىڭ قۇرۇلۇش ئەھۋالىنى ئىگىلەپ، پارتىيە قۇرۇلۇشى ئارقىلىق يېتەكلەشنى چوڭقۇرلاشتۇرۇپ، ئاساسىي قاتلامنى تۇتۇش، ئاساس سېلىشتا چىڭ تۇرۇپ، مىللەتلەر ئىتتىپاقلىقىنى مۇستەھكەملەپ، ھەر مىللەت ئاممىنى تېخىمۇ ياخشى تۇرمۇش كەچۈرۈشكە يېتەكلەشنى تەكىتلىدى؛ ئالتاي ۋىلايەتلىك كەسپىي مائارىپ باغچە رايونىغا بېرىپ، مەكتەپ قۇرۇلۇشىنى باشقۇرۇش ۋە ئوقۇتۇش ئەھۋالىنى ئىگىلەپ، ئەخلاق ئارقىلىق ئادەم تەربىيەلەش تۈپ ۋەزىپىسىنى ئەمەلىيلەشتۈرۈپ، زامانىۋىلاشتۇرۇش قۇرۇلۇشىنى ئالغا سىلجىتىش ئۈچۈن تېخىمۇ كۆپ يۇقىرى ساپالىق ئىختىساسلىقلارنى يېتىشتۈرۈشنى تەكىتلىدى. بېيتۈن شەھىرىدە، چېن شياۋجياڭ بېيتۈن ئىقتىساد - تېخنىكا تەرەققىيات رايونى ۋە ئالاقىدار كارخانىلارنى تەكشۈرۈپ تەتقىق قىلدى، شەھەر پىلانلاش، قۇرۇش ئەھۋالى توغرىسىدىكى تونۇشتۇرۇشنى ئاڭلاپ، ئەسلىھەلەرنى ئورتاق قۇرۇش، بايلىقتىن ئورتاق بەھرىلىنىش، چوڭقۇر گىرەلىشىش، ئەۋزەللىكلەر ئارقىلىق ئۆزئارا تولۇقلاشقا تۈرتكە بولۇپ، بىڭتۇەن بىلەن يەرلىكنىڭ يۇغۇرما تەرەققىياتىنى سىجىل چوڭقۇرلاشتۇرۇشنى تەكىتلىدى.
تەكشۈرۈپ تەتقىق قىلىش جەريانىدا، چېن شياۋجياڭ ئالتاي ۋىلايىتىنىڭ خىزمەت دوكلاتىنى ئاڭلىدى. ئۇ مۇنداق تەكىتلىدى: جەمئىيەت ئومۇمىيىتىنىڭ مۇقىم ۋەزىيىتىنى سىجىل مۇستەھكەملەپ، جەمئىيەت مۇقىملىقىنى قوغداشنى باشتىن - ئاخىر باش ئورۇنغا قويۇپ، يوشۇرۇن خەۋپ - خەتەرنى بىرمۇبىر تەكشۈرۈپ تۈگىتىش مېخانىزمىنى تاكامۇللاشتۇرۇپ، ھەر مىللەت ئاممىنىڭ دۆلەتنى قەلبتىن ئېتىراپ قىلىش ۋە پۇقرالىق ئېڭىنى كۈچەيتىپ، مىللەتلەر ئىتتىپاقلىقىنى مۇستەھكەملەپ، راۋاجلاندۇرۇپ، دىنلار ئىناقلىقىنى ئىلگىرى سۈرۈپ، كۈچەپ بىخەتەر، مۇقىم مۇھىت يارىتىش كېرەك. خەلق تۇرمۇشىغا زىچ يېقىنلىشىپ يۇقىرى سۈپەتلىك تەرەققىياتقا تۈرتكە بولۇپ، مەۋقەنى بايلىق ئۈستۈنلۈكى، تەرەققىيات شارائىتى، سېلىشتۇرما ئەۋزەللىك قاتارلىق ئەمەلىيەتكە قويۇپ، زامانىۋى دېھقانچىلىق، چارۋىچىلىق، يېشىل كانچىلىق، يېڭى ئېنېرگىيە قاتارلىق كەسىپلەرنى يېتىلدۈرۈپ ۋە زورايتىپ، خاس، ئەۋزەل زامانىۋىلاشقان كەسىپ سىستېمىسى بەرپا قىلىش كېرەك؛ ئېكولوگىيە قىزىل سىزىقىنى چىڭ ساقلاپ، تاغ، دەريا، ئورمان، ئېتىز، كۆل، ئوتلاق، قۇملۇقنى بىر گەۋدىلەشتۈرۈپ قوغداش ۋە سىستېمىلىق تۈزەشنى بىرتۇتاش پىلانلاپ، تەرەققىيات ئۇسۇلىدا يېشىل تىپ ئۆزگەرتىشنى تېزلىتىپ، تىرىشىپ ئېكولوگىيەنى ئالدىنقى ئورۇنغا قويۇش، يېشىل تەرەققىي قىلىش يېڭى يولىدا مېڭىش كېرەك. مەدەنىيەت - ساياھەت كەسپىنى كۈچەيتىپ ۋە ئەلالاشتۇرۇپ، «سۈزۈك سۇ، يېشىل تاغنىڭ ئۆزى بىر بايلىق، قار - مۇزلۇقمۇ بىر بايلىق» ئىدىيەسىنى ئەمەلدە كۆرسىتىپ، پۈتۈن رايون ساياھىتىنى پائال تەرەققىي قىلدۇرۇپ، مەدەنىيەت بىلەن ساياھەتنىڭ چوڭقۇر يۇغۇرما تەرەققىياتىنى ئالغا سىلجىتىپ، خەلقئارا تەسىر كۈچكە ئىگە قار - مۇز ئىقتىسادى توپلاشقان رايون قۇرۇپ، ساياھەتچىلىكنى تۈۋرۈك كەسىپ، خەلقنى بېيىتىش كەسپى قىلىپ بەرپا قىلىش كېرەك. پارتىيەنى ئومۇميۈزلۈك قاتتىق ئىدارە قىلىشتىكى ئاساسىي گەۋدىلىك مەسئۇلىيەتنى ئەمەلىيلەشتۈرۈپ، مەركەزنىڭ سەككىز تۈرلۈك بەلگىلىمىسىنىڭ روھىنى چوڭقۇر ئىزچىللاشتۇرۇش ئۆگىنىش - تەربىيەسى نەتىجىلىرىدىن ياخشى پايدىلىنىپ، توغرا سىياسىي نەتىجە قارىشىنى پۇختا تۇرغۇزۇپ، ھەر دەرىجىلىك رەھبەرلىك بەنزىلىرى ۋە كادىرلار قوشۇنى قۇرۇلۇشىنى كۈچەيتىپ، «تۆت خاھىش» بىلەن چىرىكلىكنى تەڭ تەكشۈرۈش، تەڭ تۈزەش سالمىقىنى زورايتىپ، ئېسىل ئىستىل ۋە قاتتىق ئىنتىزام ئارقىلىق پارتىيە مەركىزىي كومىتېتىنىڭ تەدبىر - ئورۇنلاشتۇرمىلىرىنىڭ ئەمەلىيلىشىپ ئۈنۈم ھاسىل قىلىشىغا كاپالەتلىك قىلىش كېرەك.
ۋاڭ جيەنشىن، قادېن كەبىن، لى يۇڭخۇڭ ئايرىم - ئايرىم ھالدا تەكشۈرۈپ تەتقىق قىلىشقا قاتناشتى.