شىنخۇا ئاگېنتلىقى، بېيجىڭ، 8 ـ ئاينىڭ 20 ـ كۈنى تېلېگراممىسى 8 ـ ئاينىڭ 20 ـ كۈنى، دۆلەت رەئىسى شى جىنپىڭ خاكەيئىند خېچىلىماغا تېلېگرامما ئەۋەتىپ، ئۇنىڭ زامبىيە جۇمھۇرىيىتىنىڭ زۇڭتۇڭلۇقىغا ئۇدا سايلانغانلىقىنى تەبرىكلىدى.
شى جىنپىڭ مۇنداق كۆرسەتتى: يېقىنقى يىللاردىن بۇيان، بىز ئىككى قېتىم كۆرۈشۈپ، جۇڭگو ـ زامبىيە مۇناسىۋىتىنىڭ تەرەققىياتىغا ئورتاق يېتەكچىلىك قىلدۇق. ئىككى دۆلەت سىياسىي جەھەتتە ئۆزئارا ئىشىنىشنى سىجىل چوڭقۇرلاشتۇردى، ئەمەلىي ھەمكارلىق نەتىجىلىرى مول بولدى، كۆپ تەرەپلىك ئىشلاردا ماسلىشىش ۋە ھەمكارلىشىشنى قويۇقلاشتۇردى. مەن جۇڭگو ـ زامبىيە مۇناسىۋىتىنىڭ تەرەققىياتىغا يۈكسەك ئەھمىيەت بېرىمەن، زۇڭتۇڭ خېچىلىما بىلەن بىرلىكتە تىرىشىپ، جۇڭگو − ئافرىقا ھەمكارلىق مۇنبىرى بېيجىڭ باشلىقلار يىغىنىنىڭ نەتىجىلىرىنى ئەمەلىيلەشتۈرۈپ، ئەنئەنىۋى دوستلۇقنى ئەۋج ئالدۇرۇپ، قەتئىي تۈردە ئۆزئارا قوللاپ، ئۆزئارا مەنپەئەت يەتكۈزۈپ ھەمكارلىشىش سەۋىيەسىنى سىجىل ئۆستۈرۈپ، جۇڭگو ـ زامبىيە ئومۇميۈزلۈك ئىستراتېگىيەلىك ھەمكارلىق ھەمراھىلىق مۇناسىۋىتىنىڭ ئۈزلۈكسىز يېڭى پەللىگە كۆتۈرۈلۈشىگە يېتەكچىلىك قىلىپ، ئىككى دۆلەت خەلقىگە تېخىمۇ ياخشى بەخت يارىتىشنى خالايمەن.