ساۋما قىلىپ تولۇق مەزمۇنىنى كۆرۈڭ
شىنخۇا ئاگېنتلىقى، بېيجىڭ، 7 - ئاينىڭ 29 - كۈنىدىكى تېلېگراممىسىغا ئاساسلانغان يېقىندا، جۇڭگو كوممۇنىستىك پارتىيەسى مەركىزىي كومىتېتى بەنگۇڭتىڭى، گوۋۇيۈەن بەنگۇڭتىڭى «يەرلىك پارتىيە كومىتېتى، ھۆكۈمەت رەھبىرىي كادىرلىرىنىڭ ئېكولوگىيە - مۇھىتنى قوغداش مەسئۇلىيەت تۈزۈمى بەلگىلىمىسى(سىناق تەرىقىسىدە يولغا قويۇلىدۇ)»نى بېسىپ تارقاتتى ھەم ئۇقتۇرۇش چىقىرىپ، ھەرقايسى جايلار، ھەرقايسى تارماقلاردىن شۇ بويىچە ئەستايىدىل ئىجرا قىلىشنى تەلەپ قىلدى.
«بەلگىلىمە»دە مۇنداق كۆرسىتىلدى: پارتىيەنىڭ ئېكولوگىيە مەدەنىيلىكى قۇرۇلۇشىغا بولغان ئومۇميۈزلۈك رەھبەرلىكىدە چىڭ تۇرۇپ ۋە ئۇنى كۈچەيتىپ، ئېكولوگىيە - مۇھىت قوغداش مەسئۇلىيەت تۈزۈمىنى تاكامۇللاشتۇرۇش ۋە ئەمەلىيلەشتۈرۈش ئۈچۈن، پارتىيەنىڭ ئالاقىدار ئىچكى نىزامى ۋە ئالاقىدار قانۇنلارغا ئاساسەن بۇ بەلگىلىمە تۈزۈپ چىقىلدى. بۇ بەلگىلىمە ناھىيە دەرىجىلىكتىن يۇقىرى يەرلىك پارتىيە كومىتېتى ۋە ھۆكۈمەت رەھبەرلىك بەنزىسىنىڭ ئەزالىرى، ئېكولوگىيە - مۇھىت تارماقلىرى ۋە ئېكولوگىيە - مۇھىت قوغداش مۇھىم مەسئۇلىيىتىنى ئۈستىگە ئالغان تارماقلارنىڭ مەسئۇللىرى(تۆۋەندە بىردەك يەرلىك پارتىيە كومىتېتى، ھۆكۈمەت رەھبىرىي كادىرلىرى دېيىلدى)غا تەتبىقلىنىدۇ. يېزا - بازار (كوچا باشقارمىسى)، تۈرلۈك تەرەققىيات رايونى رەھبەرلىك بەنزىسىنىڭ ئەزالىرى ئېكولوگىيە - مۇھىتنى قوغداش مەسئۇلىيەت تۈزۈمىنى ئەمەلىيلەشتۈرۈشتە مۇشۇ بەلگىلىمىدىن پايدىلىنىپ ئىجرا قىلىدۇ.
يەرلىك پارتىيە كومىتېتى، ھۆكۈمەت رەھبىرىي كادىرلىرىنىڭ ئېكولوگىيە - مۇھىتنى قوغداش مەسئۇلىيەت تۈزۈمىنى يولغا قويۇشتا، شى جىنپىڭ يېڭى دەۋر جۇڭگوچە سوتسىيالىزم ئىدىيەسىنى يېتەكچى قىلىشتا چىڭ تۇرۇلۇپ، يېڭى تەرەققىيات ئىدىيەسى تولۇق، دەل جايىدا، ئومۇميۈزلۈك ئىزچىللاشتۇرۇلۇپ، سۈزۈك سۇ، يېشىل تاغنىڭ ئۆزى بىر بايلىق دېگەن ئىدىيە پۇختا تۇرغۇزۇلۇپ ۋە ئەمەلدە كۆرسىتىلىپ، تەشكىلىي رەھبەرلىك كۈچەيتىلىپ، بىرتۇتاش پىلانلاپ ماسلاشتۇرۇش كۈچەيتىلىپ، تۈزۈلمە - مېخانىزم مۇكەممەللەشتۈرۈلۈپ، نازارەت قىلىش، باھالاش چىڭىتىلىپ، ئومۇميۈزلۈك قاپلىغان، ھوقۇق بىلەن مەسئۇلىيەت بىردەك بولغان، مۇكاپاتلاش بىلەن جازالاش ئېنىق ئايرىلغان، ھالقىمۇھالقا باغلانغان مەسئۇلىيەت سىستېمىسى بەرپا قىلىنىپ، يۇقىرى سەۋىيەلىك قوغداش ئارقىلىق يۇقىرى سۈپەتلىك تەرەققىياتقا تىرەك بولۇشقا كاپالەتلىك قىلىنىپ، گۈزەل جۇڭگو قۇرۇلۇشى نىشانىنى ئىشقا ئاشۇرۇشقا تۈرتكە بولۇنىدۇ.
«بەلگىلىمە»دە مۇنداق كۆرسىتىلدى: يەرلىك پارتىيە كومىتېتى، ھۆكۈمەت رەھبىرىي كادىرلىرىنىڭ ئېكولوگىيە - مۇھىتنى قوغداش مەسئۇلىيەت تۈزۈمىنى يولغا قويۇشتا، تۆۋەندىكى پىرىنسىپلارغا ئەمەل قىلىش كېرەك:
(1) پارتىيە كومىتېتى، ھۆكۈمەت تەڭ مەسئۇل بولۇش، تەڭ تۇتۇپ ئورتاق باشقۇرۇش، مەسئۇلىيەتسىزلىك قىلغانلارنىڭ جاۋابكارلىقىنى سۈرۈشتۈرۈشتە چىڭ تۇرۇپ، ئېكولوگىيە مەدەنىيلىكى قۇرۇلۇشىنى ئورتاق تۇتۇشنىڭ ئومۇمىي ئۈنۈمىنى ئاشۇرۇش؛
(2) تەرەققىياتنى باشقۇرۇشتا جەزمەن مۇھىت قوغداشنى تۇتۇش، ئىشلەپچىقىرىشنى باشقۇرۇشتا جەزمەن مۇھىت قوغداشنى تۇتۇش، كەسىپنى باشقۇرۇشتا جەزمەن مۇھىت قوغداشنى تۇتۇشتا چىڭ تۇرۇپ، مەسئۇلىيەتنى زىممىگە ئېلىش، مەسئۇلىيەتنى تولۇق ئادا قىلىش؛
(3) توغرا سىياسىي نەتىجە قارىشىنى تۇرغۇزۇش ۋە ئەمەلدە كۆرسىتىشتە چىڭ تۇرۇپ، تەبىئەت قانۇنىيىتىگە ئەمەل قىلىپ، ئېكولوگىيە - مۇھىتنى قۇربان قىلىش بەدىلىگە مۇئەييەن ۋاقىت ۋە مۇئەييەن ئورۇن ئىقتىسادىنى ئاشۇرىدىغان ئۇسۇلنى قەتئىي چۆرۈپ تاشلاش؛
(4) خەلقنى مەركەز قىلىشتا چىڭ تۇرۇپ، خەلق ئاممىسىنىڭ ئىنكاسى كۈچلۈك بولغان گەۋدىلىك ئېكولوگىيە - مۇھىت مەسىلىلىرىنى ھەل قىلىشنى تېزلىتىپ، ئېكولوگىيە ئارقىلىق خەلققە نەپ يەتكۈزۈش، ئېكولوگىيە ئارقىلىق خەلققە مەنپەئەت يەتكۈزۈش، ئېكولوگىيەدە خەلقنى كۆزلەشنى ئىشقا ئاشۇرۇش؛
(5) رىغبەتلەندۈرۈش ۋە چەكلەشكە تەڭ ئەھمىيەت بېرىشتە چىڭ تۇرۇپ، دەل جايىدا، ئىلمىي بولغان مەسئۇلىيەتنى سۈرۈشتۈرۈش مېخانىزمىنى تاكامۇللاشتۇرۇپ، كادىرلارنى مەسئۇلىيەتنى دادىل زىممىگە ئېلىش، پائال نەتىجە يارىتىشقا رىغبەتلەندۈرۈش.