شىنخۇا ئاگېنتلىقى، بېيجىڭ، 7 - ئاينىڭ 31 - كۈنى تېلېگراممىسى ئادەم كۈچى بايلىقى ۋە ئىجتىمائىي كاپالەت مىنىستىرلىقى 7 - ئاينىڭ 31 - كۈنى «يېشى ئېشىپ كەتكەن ئەمگەكچىلەرنىڭ ئاساسىي ھوقۇق - مەنپەئىتىنى كاپالەتلەندۈرۈش ۋاقىتلىق بەلگىلىمىسى (ئاشكارا پىكىر ئېلىش نۇسخىسى)»نى ئېلان قىلدى، بۈگۈندىن باشلاپ 8 - ئاينىڭ 31 - كۈنىگىچە جەمئىيەتتىن ئاشكارا پىكىر ئېلىنىدۇ.
پىكىر ئېلىش نۇسخىسىدا يېشى ئېشىپ كەتكەن ئەمگەكچىلەرنىڭ ئاساسىي ھوقۇق - مەنپەئىتىنى كاپالەتلەندۈرۈش مەزمۇنى ئايدىڭلاشتۇرۇلۇپ، يېشى ئېشىپ كەتكەن ئەمگەكچىلەرنىڭ ئەمگەك ھەققىگە ئېرىشىش، ئارام ئېلىش، دەم ئېلىش، ئەمگەك بىخەتەرلىكى - ساقلىق ساقلاش، ئىشتا يارىلىنىش كاپالىتى قاتارلىق ئاساسىي ھوقۇق - مەنپەئىتىنى كاپالەتلەندۈرۈشنى كۈچەيتىش ئوتتۇرىغا قويۇلۇپ، تالاش - تارتىشنى بىر تەرەپ قىلىش يوللىرى راۋانلاشتۇرۇلدى، يېشى ئېشىپ كەتكەن ئەمگەكچىلەر ئەمگەك تالاش - تارتىشلىرىنى مۇرەسسە قىلىش، كېسىم قىلىش، خەلق سوت مەھكىمىسىگە ئەرز قىلىش، ئادەم كۈچى بايلىقى ۋە ئىجتىمائىي كاپالەت تارماقلىرىغا ئەرز قىلىش قاتارلىق شەكىللەر ئارقىلىق ئۆزىنىڭ قانۇنلۇق ھوقۇق - مەنپەئىتىنى قوغدىسا بولىدۇ.
ئاشكارا پىكىر ئېلىش مەزگىلىدە، ئامما ئادەم كۈچى بايلىقى ۋە ئىجتىمائىي كاپالەت مىنىستىرلىقىنىڭ تور بېكىتىگە چىقىش، خەت يېزىش، ئېلېكتىرونلۇق پوچتا يوللانما ئەۋەتىش قاتارلىق ئۇسۇللار ئارقىلىق پىكىر بەرسە بولىدۇ.