ھەربىي ئالەم قاتنىشى قىسمى، تور بوشلۇقى قىسمى، ئۇچۇر ياردەمچى قىسمى، بىرلەشمە ئارقا سەپ كاپالىتى قىسمىنىڭ ئارمىيە بايرىقى بايراق شەكلىنى ئېلان قىلدى

2025-08-02 :ۋاقىت
مەنبە: شىنجاڭ گېزىتى

مەركىزىي ھەربىي كومىتېتنىڭ رەئىسى شى جىنپىڭ بۇيرۇق ئىمزالىدى

ھەربىي ئالەم قاتنىشى قىسمى، تور بوشلۇقى قىسمى، ئۇچۇر ياردەمچى قىسمى، بىرلەشمە ئارقا سەپ كاپالىتى قىسمىنىڭ ئارمىيە بايرىقى بايراق شەكلىنى ئېلان قىلدى

1 - ئاۋغۇست ئارمىيە بايرىمى يېتىپ كېلىش پەيتىدە، بارلىق خەلق ئازادلىق ئارمىيەسى كوماندىر - جەڭچىلىرى، قوراللىق ساقچى قىسىم ئوفىتسېر - ئەسكەرلىرى، ئارمىيەدىكى مەمۇرىي خادىملار، زاپاس ھەربىيلەر ۋە خەلق ئەسكەرلىرىنىڭ بايرىمىنى تەبرىكلىدى

شىنخۇا ئاگېنتلىقى، بېيجىڭ، 7 - ئاينىڭ 31 - كۈنى تېلېگراممىسى مەركىزىي ھەربىي كومىتېتنىڭ رەئىسى شى جىنپىڭ يېقىندا بۇيرۇق ئىمزالاپ، ھەربىي ئالەم قاتنىشى قىسمى، تور بوشلۇقى قىسمى، ئۇچۇر ياردەمچى قىسمى، بىرلەشمە ئارقا سەپ كاپالىتى قىسمىنىڭ ئارمىيە بايرىقى بايراق شەكلىنى ئېلان قىلدى ھەم 1 - ئاۋغۇست ئارمىيە بايرىمى يېتىپ كېلىش پەيتىدە، بارلىق خەلق ئازادلىق ئارمىيەسى كوماندىر - جەڭچىلىرى، قوراللىق ساقچى قىسىم ئوفىتسېر - ئەسكەرلىرى، ئارمىيەدىكى مەمۇرىي خادىملار، زاپاس ھەربىيلەر ۋە خەلق ئەسكەرلىرىنىڭ بايرىمىنى تەبرىكلىدى.

بۇ قېتىم ئېلان قىلىنغان قىسىم تۈرلىرىنىڭ ئارمىيە بايرىقى 1 - ئاۋغۇست ئارمىيە بايرىقىنى ئاساس قىلىپ لايىھەلەنگەن بولۇپ، پارتىيەنىڭ ئارمىيەگە بولغان مۇتلەق رەھبەرلىكى تولۇق نامايان قىلىنغان، خەلق ئارمىيەسىنىڭ باشتىن - ئاخىر يۈكسەك مەركەزلەشكەن بىرلىكى، قەدەمنى بىردەك ئېلىپ ئالغا ئىلگىرىلەۋاتقانلىقى نامايان قىلىنغان، بايراق شەكلىدە ئارمىيە تۈرى ئارمىيە بايرىقىنى يۇقىرى - تۆۋەن تەسىس قىلىش، ئالتۇن بۆلۈنۈش ئاساسىي ئەندىزىسى داۋاملاشتۇرۇلغان بولۇپ، قىسىم تۈرلىرى ساھەسىنىڭ خاسلىقىغا ئىگە مۇناسىپ نەقىش، رەڭ تاللاپ ئىشلىتىلگەن، ئىستراتېگىيەلىك قىسىم تۈرلىرىنىڭ خاس ئورنىنى كۈچەيتىشكە كۈچ سەرپ قىلىنىپ، قىسىمنىڭ شەرەپ تۇيغۇسى، بۇرچ تۇيغۇسى ئۇرغۇتۇلغان. قىسىم تۈرلىرى ئارمىيە بايرىقىنىڭ ئېلان قىلىنىشى ئارمىيەمىزنىڭ 1 - ئاۋغۇست ئارمىيە بايرىقى ۋە قۇرۇقلۇق ئارمىيە، دېڭىز ئارمىيە، ھاۋا ئارمىيە، راكېتا ئارمىيە ئارمىيە بايرىقى، ھەربىي ئالەم قاتنىشى قىسمى، تور بوشلۇقى قىسمى، ئۇچۇر ياردەمچى قىسمى، بىرلەشمە ئارقا سەپ كاپالىتى قىسمى ئارمىيە بايرىقىدىن تەركىب تاپقان يېڭى دەۋردىكى خەلق ئارمىيەسى ئارمىيە بايرىقى سىستېمىسىنىڭ بەرپا قىلىنغانلىقىدىن دېرەك بېرىدۇ. بۇ، مۇقەررەر كەڭ ئوفىتسېر - ئەسكەرلەرنىڭ ئارمىيە قۇرۇلغانلىقىنىڭ 100 يىللىق كۈرەش نىشانىنى قەرەلىدە ئىشقا ئاشۇرۇش، خەلق ئارمىيەسىنى دۇنيادا بىرىنچى ئورۇندا تۇرىدىغان ئارمىيە قىلىپ قۇرۇپ چىقىشنى تېزلىتىش ئۈچۈن بوشاشماي كۈرەش قىلىپ، ئارمىيە بايرىقىغا يېڭى شەرەپ قوشۇشىغا رىغبەتلەندۈرىدۇ ۋە ئىلھام بېرىدۇ. قىسىم تۈرلىرىنىڭ ئارمىيە بايرىقى 2025 - يىلى 8 - ئاينىڭ 1 - كۈنىدىن باشلاپ ئىشلىتىلىدۇ.

ئارمىيە بايرىقى سىستېمىسىنىڭ تەرەققىيات ئېھتىياجىغا ئۇيغۇنلىشىپ، مەركىزىي ھەربىي كومىتېت يەنە «ئارمىيە بايرىقىنى باشقۇرۇش بەلگىلىمىسى(سىناق تەرىقىسىدە يولغا قويۇلىدۇ)»گە تۈزىتىش كىرگۈزۈش توغرىسىدىكى قارارنى ئېلان قىلىپ، ئارمىيە بايرىقى تۈرىنىڭ تۈزۈلۈشى، ئىشلىتىش پەيتى ۋە سورۇنى قاتارلىقلارغا تۈزىتىش كىرگۈزۈپ، ئارمىيە بايرىقىنى باشقۇرۇشنى قېلىپلاشتۇرۇش، ئارمىيە بايرىقىنىڭ ئىززەت - ھۆرمىتىنى قوغداشنى قانۇنچىللىق كاپالىتى بىلەن تەمىنلىدى.