مەملىكەتلىك ئېكولوگىيە - مۇھىت قوغداش يىغىنىدا قىلىنغان سۆز

«ئىزدىنىش» ژۇرنىلىدا باش شۇجى شى جىنپىڭنىڭ مۇھىم ماقالىسى ئېلان قىلىنىدۇ

مەملىكەتلىك ئېكولوگىيە - مۇھىت قوغداش يىغىنىدا قىلىنغان سۆز

شىنخۇا ئاگېنتلىقى، بېيجىڭ، 7 - ئاينىڭ 31 - كۈنى تېلېگراممىسى 8 - ئاينىڭ 1 - كۈنى نەشردىن چىقىدىغان «ئىزدىنىش» ژۇرنىلىنىڭ 15 - سانىدا جۇڭگو كوممۇنىستىك پارتىيەسى مەركىزىي كومىتېتىنىڭ باش شۇجىسى، دۆلەت رەئىسى، مەركىزىي ھەربىي كومىتېتنىڭ رەئىسى شى جىنپىڭنىڭ 2023 - يىلى 7 - ئاينىڭ 17 - كۈنى «مەملىكەتلىك ئېكولوگىيە - مۇھىت قوغداش يىغىنىدا قىلغان سۆز»ى ئېلان قىلىنىدۇ.

ماقالىدە مۇنداق تەكىتلەندى: پارتىيە 18 - قۇرۇلتىيىدىن بۇيان، بىز ئېكولوگىيە مەدەنىيلىكى قۇرۇلۇشىنى جۇڭخۇا مىللىتىنىڭ مەڭگۈلۈك تەرەققىياتىغا مۇناسىۋەتلىك تۈپ ئۇلۇغۋار پىلان قىلىپ، بىر قاتار ئىجادىي خىزمەتلەرنى قانات يايدۇردۇق، ئىرادىمىزنىڭ زورلۇقى، سالمىقىنىڭ زورلۇقى، ئۈنۈمىنىڭ زورلۇقى مىسلىسىز بولدى، ئېكولوگىيە مەدەنىيلىكى قۇرۇلۇشىدا نەزەرىيەدىن ئەمەلىيەتكىچە تارىخىي خاراكتېرلىك، بۇرۇلۇش خاراكتېرلىك، ئومۇملۇق خاراكتېرلىك ئۆزگىرىش ھاسىل قىلىندى، نۇقتىلىق تۈزەشتىن سىستېمىلىق تۈزەشكە ئۆتۈش، پاسسىپ تاقابىل تۇرۇشتىن تەشەببۇسكارلىق بىلەن نەتىجە يارىتىشقا ئۆتۈش، دۇنياۋى مۇھىتنى تۈزەشكە قاتناشقۇچىدىن يېتەكلىگۈچىگە ئايلىنىش، ئەمەلىيەت داۋامىدا ئىزدىنىشتىن ئىلمىي نەزەرىيە ئارقىلىق يېتەكچىلىك قىلىشقا ئۆتۈشتىن ئىبارەت زور بۇرۇلۇش ئىشقا ئاشۇرۇلدى. يېڭى دەۋر ئېكولوگىيە مەدەنىيلىكى قۇرۇلۇشىنىڭ مۇۋەپپەقىيەتلىرى پۈتۈن دۇنيانىڭ دىققىتىنى تارتىپ، يېڭى دەۋردە پارتىيە ۋە دۆلەت ئىشلىرىدا تارىخىي مۇۋەپپەقىيەتلەرنى قولغا كەلتۈرۈش، تارىخىي ئۆزگىرىش ھاسىل قىلىشنىڭ روشەن بەلگىسى بولۇپ قالدى. ماقالىدە مۇنداق كۆرسىتىلدى: دۆلىتىمىزنىڭ ئىقتىساد، جەمئىيەت تەرەققىياتى يېشىللاشتۇرۇش، تۆۋەن كاربونلاشتۇرۇشنى تېزلىتىدىغان يۇقىرى سۈپەتلىك تەرەققىيات باسقۇچىغا كىردى، ئېكولوگىيە مەدەنىيلىكى قۇرۇلۇشى يەنىلا بېسىم ئۈستىلەنگەن، ئېغىر يۈكنى زىممىگە ئېلىپ ئالغا ئىلگىرىلەيدىغان ئاچقۇچلۇق مەزگىلدە تۇرۇۋاتىدۇ. يېڭى مۇساپىدە ئېكولوگىيە مەدەنىيلىكى قۇرۇلۇشىنى داۋاملىق ئالغا سىلجىتىشتا بىرقانچە مۇھىم مۇناسىۋەتنى ياخشى بىر تەرەپ قىلىشقا توغرا كېلىدۇ. بىرىنچى، يۇقىرى سۈپەتلىك تەرەققىيات بىلەن يۇقىرى سەۋىيەلىك قوغداشنىڭ مۇناسىۋىتى. ئادەم بىلەن تەبىئەت ئىناق بىللە ئۆتىدىغان يۈكسەكلىكتە تۇرۇپ تەرەققىياتنى پىلانلاپ، يۇقىرى سەۋىيەلىك قوغداش ئارقىلىق، تەرەققىياتنىڭ يېڭى قۇۋۋىتى، يېڭى ئەۋزەللىكىنى ئۈزلۈكسىز يارىتىپ، تەرەققىياتنىڭ يوشۇرۇن كۈچى ۋە زاپاس كۈچىنى سىجىل ئاشۇرۇش كېرەك. ئىككىنچى، نۇقتىلىق ئۆتكەلگە ھۇجۇم قىلىش بىلەن ماسلىشىپ تۈزەشنىڭ مۇناسىۋىتى. سىستېمىلىق قاراشتا چىڭ تۇرۇپ، ئاساسىي زىددىيەت ۋە زىددىيەتنىڭ ئاساسىي تەرىپىنى تۇتۇپ، گەۋدىلىك ئېكولوگىيە - مۇھىت مەسىلىلىرىگە قارىتا كۈچلۈك تەدبىر قوللىنىش بىلەن بىللە، نىشان ھەمكارلىقى، كۆپ خىل بۇلغىمىنى تىزگىنلەش ھەمكارلىقى، تارماقلار ھەمكارلىقى، رايونلار ھەمكارلىقى، سىياسەت ھەمكارلىقىنى كۈچەيتىپ، تۈرلۈك خىزمەتلەرنىڭ سىستېمىلىقلىقى، بىر پۈتۈنلۈكى، ماسلىشىشچانلىقىنى ئۈزلۈكسىز كۈچەيتىش كېرەك. ئۈچىنچى، تەبىئىي ئەسلىگە كەلتۈرۈش بىلەن سۈنئىي ئەسلىگە كەلتۈرۈشنىڭ مۇناسىۋىتى. تەبىئىي ئەسلىگە كەلتۈرۈش بىلەن سۈنئىي ئەسلىگە كەلتۈرۈشنى ئورگانىك بىرلەشتۈرۈپ، شۇ جاي، شۇ ۋاقىتنىڭ ئەھۋالىغا قاراپ ئىش كۆرۈپ، رايونلارغا ئايرىپ، تۈرگە ئايرىپ تەدبىر قوللىنىپ، ئېكولوگىيەنى قوغداش، ئەسلىگە كەلتۈرۈشنىڭ ئەڭ ياخشى ھەل قىلىش لايىھەسىنى تىرىشىپ تېپىپ چىقىش كېرەك. تۆتىنچى، تاشقى چەكلىمە بىلەن ئىچكى ھەرىكەتلەندۈرگۈچى كۈچنىڭ مۇناسىۋىتى. پۈتكۈل جەمئىيەتنىڭ ئېكولوگىيە - مۇھىتنى ئورتاق قوغداشتىكى ئىچكى ھەرىكەتلەندۈرگۈچ كۈچىنى ئۇرغۇتۇپ، ئەڭ قاتتىق تۈزۈم، ئەڭ پۇختا قانۇنچىللىق ئارقىلىق ئېكولوگىيە - مۇھىتنى قوغداشتا باشتىن - ئاخىر چىڭ تۇرۇپ، دائىملىق تاشقى بېسىمنى ساقلاش كېرەك. بەشىنچى، «قوش كاربون» ۋەدىسى بىلەن ئۆز ئالدىغا ھەرىكەت قىلىشنىڭ مۇناسىۋىتى. بىز ۋەدە قىلغان «قوش كاربون» نىشانى ئېنىق، ئۆزگەرمەيدۇ، لېكىن بۇ نىشانغا يېتىش يولى ۋە ئۇسۇلى، رىتىمى ۋە سالمىقىغا جەزمەن، شۇنداقلا چوقۇم ئۆزىمىز ئىگە بولۇشىمىز، باشقىلارنىڭ تەسىرىگە ئۇچرىماسلىقىمىز كېرەك. ماقالىدە مۇنداق كۆرسىتىلدى: گۈزەل جۇڭگو قۇرۇلۇشى ئارقىلىق ئادەم بىلەن تەبىئەت ئىناق بىللە ئۆتىدىغان زامانىۋىلاشتۇرۇشنى ئومۇميۈزلۈك ئالغا سىلجىتىش كېرەك. بىرىنچى، بۇلغىنىشنىڭ ئالدىنى ئېلىش - تۈزەش بويىچە ئۆتكەلگە ھۇجۇم قىلىش جېڭىنى سىجىل چوڭقۇر ياخشى قىلىش كېرەك. بۇلغىنىشنى دەل جايىدا تۈزەش، بۇلغىنىشنى ئىلمىي تۈزەش، بۇلغىنىشنى قانۇن بويىچە تۈزەشتە چىڭ تۇرۇپ، سالماقنى ساقلاپ، چوڭقۇرلۇقنى ئۇزارتىپ، كەڭلىكنى ئاشۇرۇپ، مۇھىت بۇلغىنىشىنىڭ ئالدىنى ئېلىش - تۈزەشنى چوڭقۇر ئالغا سىلجىتىپ، ئېكولوگىيە - مۇھىت سۈپىتىنى سىجىل ياخشىلاش كېرەك. ئىككىنچى، تەرەققىيات ئۇسۇلىنىڭ يېشىل، تۆۋەن كاربونلۇق تىپ ئۆزگەرتىشىگە تۈرتكە بولۇشنى تېزلىتىش كېرەك. يېشىل، تۆۋەن كاربونلۇق تەرەققىياتنى ئېكولوگىيە - مۇھىت مەسىلىسىنى ھەل قىلىشتىكى ماھىيەتتىن تۈزەش تەدبىرى قىلىشتا چىڭ تۇرۇپ، يېشىل ئىشلەپچىقىرىش ئۇسۇلى ۋە تۇرمۇش ئۇسۇلىنى شەكىللەندۈرۈشنى تېزلىتىپ، يۇقىرى سۈپەتلىك تەرەققىياتنىڭ يېشىل ئاساسى رېڭىنى قويۇقلاشتۇرۇش كېرەك. ئۈچىنچى، ئېكولوگىيە سىستېمىسىنىڭ كۆپ خىللىقى، مۇقىملىقى، سىجىللىقىنى كۈچەپ ئۆستۈرۈش كېرەك. دۆلەتنىڭ ئېكولوگىيە بىخەتەرلىكىنى قوغداش، جۇڭخۇا مىللىتىنىڭ مەڭگۈلۈك تەرەققىياتى ۋە ئىنسانىيەت مەدەنىيلىكىگە مەسئۇل بولۇش يۈكسەكلىكىدە تۇرۇپ، ئېكولوگىيەنى قوغداش ۋە ئەسلىگە كەلتۈرۈشنى كۈچەيتىپ، ئەۋلادلارغا تاغلىرى يېشىل، سۇلىرى سۈزۈك ئېكولوگىيە بوشلۇقى قالدۇرۇش كېرەك. تۆتىنچى، كاربون قويۇپ بېرىشنى چوققا قىممەتكە يەتكۈزۈش، كاربوننى نېيتراللاشتۇرۇشنى پائال، پۇختا ئالغا سىلجىتىش كېرەك. مەملىكەت بويىچە بىرتۇتاش پىلانلاش، تېجەشنى ئالدىنقى ئورۇنغا قويۇش، قوش چاقلىق قوزغىتىش، ئىچكى - تاشقى جەھەتتە راۋان بولۇش، خەۋپ - خەتەرنىڭ ئالدىنى ئېلىش پىرىنسىپىدا چىڭ تۇرۇپ، كاربون قويۇپ بېرىشنى چوققا قىممەتكە يەتكۈزۈش، كاربوننى نېيتراللاشتۇرۇش «N + 1» سىياسەت سىستېمىسىنى ياخشى ئەمەلىيلەشتۈرۈش كېرەك. بەشىنچى، گۈزەل جۇڭگو قۇرۇلۇشى بىخەتەرلىك تۆۋەن چېكىنى مەھكەم ساقلاش كېرەك. ئومۇمىي دۆلەت خەۋپسىزلىكى قارىشىنى ئىزچىللاشتۇرۇپ، تۈرلۈك خەۋپ - خەتەر ۋە خىرىسلارغا پائال، ئۈنۈملۈك تاقابىل تۇرۇپ، بىز مەۋجۇت بولۇپ تۇرۇش، تەرەققىي قىلىشتا تايىنىدىغان تەبىئىي مۇھىت ۋە شارائىتنىڭ تەھدىتكە ۋە بۇزغۇنچىلىققا ئۇچرىماسلىقىغا كاپالەتلىك قىلىش كېرەك. ئالتىنچى، گۈزەل جۇڭگو قۇرۇلۇشى كاپالەت سىستېمىسىنى تاكامۇللاشتۇرۇش كېرەك. ھەرقايسى ساھەلەردىكى بايلىقنى بىرتۇتاش پىلانلاپ، ھەرقايسى تەرەپلەرنىڭ كۈچىنى مۇجەسسەملەپ، قانۇنچىللىق، بازار، پەن - تېخنىكا، سىياسەت «بىرىكمە تەدبىر»ىنى ياخشى قوللىنىپ، گۈزەل جۇڭگو قۇرۇلۇشىنى ئاساسىي تىرەك ۋە كۈچلۈك كاپالەت بىلەن تەمىنلەش كېرەك.

ماقالىدە مۇنداق تەكىتلەندى: گۈزەل جۇڭگو قۇرۇش سوتسىيالىستىك زامانىۋىلاشقان دۆلەتنى ئومۇميۈزلۈك قۇرۇشتىكى مۇھىم نىشان، جەزمەن پارتىيەنىڭ ئومۇميۈزلۈك رەھبەرلىكىدە چىڭ تۇرۇش ۋە ئۇنى كۈچەيتىش كېرەك. ھەرقايسى جايلار، ھەرقايسى تارماقلار مەسئۇلىيەت تۇيغۇسى، بۇرچ تۇيغۇسىنى ئۈزلۈكسىز كۈچەيتىپ، پارتىيە مەركىزىي كومىتېتىنىڭ تەدبىر - ئورۇنلاشتۇرمىلىرىنى كەم - كوتسىز ئىزچىللاشتۇرۇشى، ئەمەلىيلەشتۈرۈشى كېرەك. مەركەزنىڭ ئېكولوگىيە - مۇھىت قوغداشنى نازارەت قىلىشتىكى ئۆتكۈر شەمشەرلىك رولىنى داۋاملىق جارى قىلدۇرۇش كېرەك.